*小清新的「早晚餐」＊ Wing's kitchen

係六點既時候覺得有點肚餓，但又唔想食太多野，最後選擇了這個Wing Kitchen。這間位於尖沙咀地鐵站附近既餐廳位置都算就腳，而環境方面亦都幾有氣氛，加上六點唔算係繁忙時間無咩客人，所以整體係寧靜舒服的。

我地坐左窗口位，諗左一陣就選擇了呢間餐廳的主打之一Wings to go 雞翼。佢有四種醬汁可揀，最後我地揀左蜜糖芥末和水牛城醬汁。可能係即叫即做既關係等左十分鐘就上枱。這個雞翼特別的地方是它的雞皮全部去掉，取而代之是一層香跪可口的炸皮。吃下去只有淡淡肉汁的雞肉，和炸皮的香口非常配合。因此這個以雞翼肉為主角的菜式非常適合吃雞不吃雞皮的人食呢。

主菜方面我地叫左巴馬腿水牛芝士配鮮茄醬意大利意粉。除了在表面上的水牛芝士可以再多一點之外，其他方面也頗滿意。蕃茄汁夠濃大部份也都附在意粉上，而且同巴馬火腿的咸味出奇地配合和富層次感，食完之後仍然留在口腔上久久不散。

至於另外一個主菜我地叫左一份安格斯牛肉至尊漢堡。呢個漢堡非常足料，原隻漏出蛋汁的煎蛋，大大條洋蔥塊和蕃茄，配上厚身的牛肉漢堡，對於好似我呢個愛吃漢堡之人一定會愛不釋手。

總括黎講，可能份量不多的關係，所以我同友人都覺得夜晚6點鐘當食一個「早晚餐」也是不錯的選擇。