平時好少入嚟元朗，今日難得約左朋友嚟呢邊，嚟到想食中式火鍋。
經過就入嚟試下，裝修好有中菜廳既感覺，員工都好熱情！
我地坐底就嗌左個雙拼湯底，都係傳統中式湯底，都好足料。
我地分別嗌左清湯同皮蛋芫莤馬蹄湯，湯底味道唔算好濃，但都夠味。
無咩味精食完唔會口喝！
黑豚肉片份量唔算多，雖然得八片，但每一片都好厚身同大片。
淥完都唔會縮水，好新鮮無雪味，油脂分佈平均！
即炸響鈴好大舊同都脆身，唔會放到淋曬。同佢係即炸既；唔似屋企打邊爐好薄身個啲!
手打鮮蝦滑上到嚟好似一個波，望落去唔係好多；但原來都可以整到好多舊。
入口彈牙真材實料夠蝦味！
蘿白去邊打邊爐都會嗌，呢到既好清甜；無根同好淋身，索曬湯底啲味道！
脆鯇魚片打邊爐唔可以少得魚，而我就偏愛脆鯇魚，呢到嘅脆鯇魚片好大塊。爽口新鮮！
下次經過要再黎食過！
沒有留言:
張貼留言