＊甜品無得輸＊Seoulmate

是日有點兒想吃韓國菜，提前上網search了這間，地點非常之就腳，就係位於c出口對面的京都廣場，非常容易去，唔會驚蕩失路

有啲口渴所以我哋嗌咗飲品先，朋友係熱朱古力奶烤自家製棉花糖$52。

我的是熱意大利泡沫咖啡34，價錢非常化算，出到嚟大大杯，冇令人失望。咖啡濃而不甜，奶泡打得唔錯，可以一試～

岩漿蛋拌飯配黑松露煙三文魚$98 蛋漿非常之香口，屬於溫泉蛋嘅狀態，最適宜撈飯食（放咗喺飯嘅中間，大家未必睇到） 黑松露香噴噴的，當我用匙羹和叉攪拌它的時候，香味撲鼻而來，只係小小嘅黑松露已經咁香濃。三文魚微鹹，帶點鮮味和魚香，飯則比較有咬口。

味噌海鮮意大利燴粥$168 雖然話就話呢個係粥，但事實上佢似係意大利嘅risotto ，原因係飯嘅正中間比較硬身，而側邊就係較林，口感做得非常之唔錯，能夠獲得我的歡心，汁非常之creamy，調味幾好，唔會話過份鹹。配上中型size的海蝦，蝦嘅口感彈牙，但蝦味得太重，可能是被醬汁蓋過的原因！

海鮮魚籽忌廉意粉$180

呢度嘅海鮮都幾豐富，分別有海蝦、魚籽、帶子和墨魚仔。不過呢啲海鮮都唔係重點，最好食嘅都係佢個意粉，意粉的口感軟硬適中，質地非常之正，配上香濃的醬汁，沒有不愛的原因。

終於到了甜品的時刻，我們十分期待，原因是選擇主菜的時候，睩過個下啲甜品，對幾個都好有興趣。由於吃過主菜有點飽的原因，因此我們選一個比較輕盈的甜品，看到餐牌上的柚子和芒果，總是讓人覺得酸酸的，能夠一解飯後的飽膩，便點了k爆米餅配雪糕同柚子芒果$58，有一個非常奶滑的士多啤梨雪糕，質素不差，旁邊有些芒果粒粒和柚子醬酸酸甜甜，再配上香脆的k爆米餅，口感脆到無得輸。

總括嚟講食物質素係唔錯，再加上地方非常寬闊，令人有舒適嘅感覺，值得再來！