​ ＊​ 食放題緊要食質素＊​ 大井町

​

今日去左荃灣搵朋友，佢帶咗我來呢間食放題，

原來呢到全層都係，好開心帶卡位坐，地方夠大同埋坐得舒服！

呢到野食落單紙都有誠意，落單紙好colourful選擇又夠多!

上菜速度快！我地落左單無10分鐘就黎左壽司,係我最愛既黑松露加芝士，好香！

第一次見到圓形嘅壽司，d壽司飯既份量好細，一啖食完！

正丫！呢到主打創作壽司，出面放題食到既都好重覆，

呢到就件件都有新鮮感，都會想試！

姐係芒果鵝肝真係估佢唔到又甜又鹹又苦苦地，口感好特別！

跟住黎左手卷，紫菜好脆，軟殼蟹手卷口感香脆，但飯份量太多！

好好味既仲有瑤柱蒸蛋，滑到不得了！

個汁夠多夠濃味，可以2啖食完呢個蒸蛋然後再叫多幾個！

刺身選擇多，帶子甜蝦北寄貝三文魚拖羅呢d基本既選擇，

但係驚喜係赤蝦刺身，有一隻手掌咁長既赤蝦，啖啖肉！

作為蝦控既男朋友一口氣食左10隻赤蝦身，感到非常滿足，回哂本！

跟住就多啲炸物，炸蝦天婦羅外面好脆 入面仲好新鮮，食到原條大蝦，

粉漿唔會好厚，上枱夠熱，其他既天婦羅都好唔錯！

翠玉瓜夠厚，不過就乾身左d，其他燒物都有d乾身！

不過好有厚度，好似燒菠蘿，外表乾，咬落爆汁又甜又香！

出面飲品櫃好多款揀，淨係飲品有3個櫃！

基本上成日見到既有，唔常見既都有！真係好齊全！

最緊要呢到叫幾多真係比幾多，同埋野食黎得快，服務員有禮貌！

就算正餐食到好飽都要食雪糕做美好既總結，食到Movenpick既雪糕真係完美左呢餐！