＊馬灣食雞煲＊味道農家雞煲王海鮮小炒

好耐冇黎過馬灣呢個小島🚗今次同對上一次黎都係探朋友👬 馬灣表面上好似好遙遠但實情係交通幾方便下 青衣城坐NR330唔洗十分鐘就到 第一個站落車就
中環屯門都有車或者船黎

今次光顧既呢間小店主打雞煲我當然要叫黎食下 🙋‍♂ 於是兩人就叫左半隻食（$178）由於我食唔到好辣所以叫左微辣 雞煲雖然唔係好似出面咁用gas爐保䁔但係鍋燒到夠熱 滋滋聲咁送到面前 好有鍋氣

呢道嘅雞煲🐔有別於平時食開嘅重慶雞煲 事關佢係廣東既做法 入面用左唔同既香料令雞又麻又辣但完全冇冰鮮味 雞亦都爽口嫩滑  雖然個汁有d油同heavy但撈飯的確一流😝

 平時食一碗飯既我連食兩碗 好在只係8蚊一碗可以放心任食😂

另外重叫多左個咕嚕肉（$78）份量十分足夠有十幾舊 咕嚕汁甜酸適中 香脆鬆化 美中不足既係配料唔夠熟😂😂 好似青椒咁 不過係配角影響唔到主菜😋

食完後老板立即送上糖水 係紅棗雪耳😍 飲落好有住家感覺 亦為呢餐晚餐劃上圓美句號。

最後配上風景照兩張 日落前和入夜後的青馬大橋好美😘  食埋吹住海風行海邊吹下水 完美的一晚！