＊夢中的美味＊Dream Cafe

曾經去過唔少旺角嘅樓上cafe，有些是伏味，貴一貴，飲品又唔掂。 朋友推介我食呢間dream cafe 佢話最平果個dinner 80蚊有找，有湯，主菜同埋飲品，佢帶我上去食。

我叫左挪威煙三文魚意大利麵＄68 雖然係68蚊但係挪威三文魚嘅分量的確唔可以睇小 煙三文魚捲成玫瑰形狀十分好看 大約有5-6片。味道偏向煙薰，唔算過咸，鹹香就一定架喇。最最最鍾意係個幼身的意粉，口感很軟林，配上creamy且香濃的忌廉汁，超正的享受！！

晚市套餐可揀沙律/餐湯。我地二人選了湯，是日的是忌廉南瓜湯，好夠濃郁，南瓜味好清新。

朋友想試下新野，叫左燒鱈魚配秘製汁＄138，可以叫薯角，薯菜，或者飯，佢叫左飯。我淺嘗了一口，魚脂香滑，味道鮮而濃，再配上帶有照燒味秘制汁，成件事好夾。 個飯撈埋啲汁都幾好食，旁邊有啲沙律菜，食落感覺似落咗啲黑醋。

各人加＄15焦糖燉蛋， 裏面大概嘅係忌廉而唔係燉蛋，被佢fake左，HAHA. 有D位食落冰冰涼涼，似乎係焗嘅時間唔夠，唔係話好好食。但係上面嘅焦糖燒得唔錯，夠曬香脆，亦唔會太LOAN.

跟餐配有$28蚊嘅飲品，若然超過28蚊就補差價，收費非常之明確。

我嗌咗一個花茶：士多啤梨配玫瑰雙拼＄58 (加＄30 ) 雙單都係一樣價錢，一定係雙喇。顏色就好夠，但士多啤梨味唔係天然的。而是帶有淡淡嘅玫瑰味，內裡有不少玫瑰乾，so refreshing！！

朋友叫左紅豆奶茶＄38 (加＄10 ) ,奶茶味好真，茶味好夠，大讚水吧部。

人均消費嚟講算平，仲要主菜好好食，係甜品爭D，100%值得再來.