＊​ 滋味無窮＊一鳴拉麵

​

今日原本約朋友出嚟食晚飯，但後來佢失約，有啲唔開心，

於是 自己就走去搵嘢食，對自己好啲 搵一間有名氣嘅餐廳食拉麵，

我本人好注重健康，食物又要有質素，都算係一個奄尖人，

見到餐牌上有一款黑蒜拉麵曲麵(豚肉, 溏心蛋)，

就畀佢吸引住，黑蒜是一種非常有益的食物，

對身體各種機能都好有幫助，味道又潤甜，

好啱我要求，麵質爽口滑捋捋，煙煙靭靭，

豚肉軟腍幼嫩，肉味香濃，肉汁鮮甜，

不需花巧嘅調味已經令人滿意。

再加上一隻用心製作嘅糖心蛋，更加錦上添花，

蛋白滑溜非凡，配搭溶化嘅蛋黃濃香，滋味無窮。

賣相已經好吸引的椒鹽雞翼非一般嘅製作，

氣味濃香撲鼻，雞皮卜卜脆，肉質幼嫩，鹹香微辣，

整隻味道調教得均勻，恰到好處。

剛才不愉快的心情已經一掃而空，美味食物真係會帶給你好多樂趣。

＊​ 休閑嘅隱蔽cafe＊​ KLN Cafe

​

今日行完APM，經過觀塘駿業熟食市場，

就決定入去搵下有冇平嘢食啦~上到一樓經過見到一間叫做KLN cafe，決定入去試下。

餐廳嘅裝潢好有歐美風格，牆上面仲貼左啲poster。

餐牌有好特別嘅配搭，客人可以自由選擇醬汁、配料同埋飯或者意粉。

叫左餐仲可以半價叫小食同埋飲品，好抵食！

我就叫左墨魚汁配意粉，配料就揀咗八爪魚腸、牛柳粒同埋墨魚圈。

如果自由配搭怕伏嘅話，餐牌有提供廚師推介、店長推介等等。

墨魚汁意粉唔會好乾，麵質亦都好煙韌。

牛柳粒好林，肉質鮮嫩。墨魚圈亦都唔會好韌，

我係超鍾意食墨魚，超級好食！

佢隻配料亦都好足料，值得一讚！

小食我就揀左香橙鴨胸沙律同埋炸雞翼配沙律醬。

鴨胸肉色如同櫻桃紅，肉質鮮嫩扎實，咀嚼起來多汁、甜潤、有彈性。

沙律嘅靈魂係生菜 ， 坊間有啲餐廳為左慳成本用嘅菜唔夠新鮮，但KLN cafe用嘅菜好新鮮。

我個人覺得炸雞翼真係超好食！沙律醬汁超開胃！完全沒有膩感，外皮有酥脆的效果。

飲品我就揀咗凍嘅經典朱古力。天氣開始熱，呷一杯凍朱古力 ，冰涼又可口，一樣消暑！

朱古力加冰做凍飲，入口更順喉，味道仍然不失濃厚。

下次想搵個靜靜地嘅地方敘舊，呢間休閑嘅隱蔽cafe係不二之選！

​ ＊非常多選擇嘅放題店＊極上帝王水產

​由a-r有成十幾二十張點餐紙， 每張都圖文並茂，

等你可以知道餐點嘅份量，適量點餐，非常細心。

先到嘅係冷盤，好少見去食放題竟然會送成板海膽，

簡直係抵食夾大件， 而且質素都唔錯 入口即溶，幼滑帶點澀味，贊。

然後壽司卷物叫左和風牛肉捲，層次豐富，

燒汁味道啱啱好唔會太鹹，軍艦當中竟然有蟹膏蟹肉軍艦，

雖然係高鹹味唔重，但有依種cp值高嘅產物已經算相當唔錯，

算係一個小彩蛋， 不過最推薦嘅係最右邊嘅玉子沙律腐皮軍艦，

 腐皮豆香味濃，同沙律既甜味非常匹配。

壽司方面就中規中矩，令我驚喜嘅係竟然各國菜式都有，

生菜包方面都係做緊港式口味，酸味唔太重唔太辣，

我反而覺得有啲類似於滷肉飯嘅滷肉， 

比較偏甜少少，配生菜食都幾特別。

喺放題之中水準都偏上，新開張嚟講算相當唔錯，選擇又多，會再嚟食。