＊ 食甜品心情好＊FLIPPER'S

​

炎炎夏日，近排三十多度的氣溫，令人心浮氣躁，
放工後，我便到附近的商場 搵嘢食，

行到希慎廣場6樓 it blue block，

見到有很多人在排隊，

原來是一間日本甜品店 

我想，心情悶熱最好就是吃 甜品，

見到餐牌上，有很多不同嘅配搭，

佢最出名嘅就係班戟，我挑選了一個綠茶紅豆班戟，

翡翠綠色嘅綠茶，令人心曠神怡，心情已經放鬆了，

當你第一啖吃下去，味覺已經畀佢牽引住，

 再加上紅豆的豆香，豆蓉做到恰到好處，

綠茶嘅滑，加上茸茸嘅豆蓉清甜，

非常好吃，班戟嘅體積很大份，一啲都唔少，

佢嘅材料很矜貴，用上最上盛嘅麵粉，

新鮮正宗嘅日本蛋 ，做起上嚟色澤金黃，香氣四溢，

師傅 嘅功力， 做到 鬆軟得嚟又有口感，

好食到唔知點樣形容，

簡直同6星級大酒店不遑多讓，

從來都冇食過這樣出色的班戟，

還有加上他師傅自家製的，

新鮮奶油，甜而不腻，恰到好處,

當我離開座位走的 時候，心情大好，

跟我進嚟的時候 簡直係兩回事。

＊​ 無辣不歡 愈紅愈愛＊​ ​ 辣度餐廳

​

其實好少去荃灣食野,但有有聽朋友介紹過呢件川味火鍋,

本人又好仲意食辣 一直都好想試 , 今日經過就入去試下,

去到門口 見到環境都好舒適 乾淨  

都行左一日又曬又熱 就拿拿聲行入去, 

間鋪唔算好大 但裝修都幾精緻 

餐具都幾別緻下 而且個椅下仲有個籃可以放袋 唔洗阻住自己 

一坐低就攞起身落單紙見到選擇都好多下 , 

口水都流曬 食火鍋最緊要梗係個湯底啦 

我地二話不說就揀左個重慶麻辣湯底  , 

仲有個清新水果鍋 岩D食唔到辣GE人食 

好似都幾得意咁 諗住下試... 

 等左一陣  湯底終於黎啦, 見到紅油都興奮 

仲要係用乾辣椒 蔥頭 勁香 堅正!! 

湯底真係冇得彈>< 

我地仲點左個脆鯇魚片 好少火鍋有呢個

 我好驚喜 又新鮮又彈牙  

仲有肥牛 大大碟 薄薄地 好正啊 好吸引 超鐘意食 

而魚皮餃 都好新鮮 每碟分量2人食係岩岩好 

唔會太多又唔會太少  我地仲叫左d菜同豆腐甘樣 

食肉之餘都要食菜先健康 同埋呢間D響鈴上菜前有炸過 

幾得意 即食都得 配埋沙律醬都好好味 

我都比較浸一浸湯底 索曬D湯汁 最緊要係辣度十足 

仲會愈食愈辣  我地瘋狂灌水 好過癮 

 我地雖然得兩個人 但都叫左幾多野食

 所以可能覺得會有少少貴 兩個人食左成500蚊  

最後埋單之前 去左個廁所 個廁所好乾淨 

仲有一陣清新香味 地下鋪滿唔同花紋既地磚

 好得意 其他大致上都幾滿意下 下次都會帶朋友再黎過 .....

＊​ 大受好評的意大利菜＊Oak Tree Ristorante

​

同個朋友一直都好鐘意食意大利菜，上Openrice見到呢間店既卡邦尼意粉，

一直都大受好評，所以趁得閒既星期三晚，就去左試試了。 

我地就叫左一個拿玻里pizza 同埋一個 超特別既 純正意大利卡邦尼意粉。 

個拿玻尼pizza，餅底薄皮而脆身，烤得剛剛好，一點都沒沒烤焦。

另外，芝士的份量亦都好，而且即叫即烤，

微溶的芝士，食落口亦唔會太撐胃。

pizza上的厚切火腿亦都好多，微微的鹹香味

終於又得試照牌菜既卡邦尼意粉，主廚仲會係席前即刻煮，可謂係色香味俱全!  

意粉完全沾上芝士，甜甜的，配合鹹香的火腿和黑松露，味道豐富而互相配合，好好食!!

＊無限任食牛扒之夜＊Non-Kitchen

朋友好鍾意食牛扒，佢拉咗我去呢間90分鐘任食牛扒，餐廳位於牛頭角與觀塘之間，算是一間工廈裏面嘅餐廳並位於一樓，當日個場好爆好多人食牛扒＝Ｖ＝

原來今晚係「無限任食牛扒之夜」，逢星期五六晚先有，平日的呢度係食西餐。

每人有兩隻生蠔食，生蠔非常鮮甜，肉質夠飽滿，應該是經過海水沖洗的，鮮味十足。配上番茄醬和檸檬汁，能夠除去它的腥味！！

當中嘅主菜唔少得啦佢係澳洲穀飼肉眼扒，由於是穀飼的關係，口感非常嫩滑，沒帶一點的煙韌感。這塊肉眼扒很大分量，一份大約兩至三人食也沒有問題，熱力燒得平均，沒有一點燒焦，肉眼扒很容易被切開，可見肉質非常之嫩滑，還帶點肉汁。相信在燒的時候肉汁都鎖在肉眼扒裏面，師傅的功夫真到工呀，香濃牛味，還帶點脂肪。

出面有啲嘢係咁拎好似自助餐咁，係自助沙律吧同熟盤呀！有薄餅、粟米、時蔬、寬條麵、煙肉。蔬菜嘅質素很高，整體都很新鮮，食落去感覺唔會太油膩，給人清新的感覺，絕對不會讓人吃飽飽的。pizza細細嚿我都食咗三舊，砷頭有啲芝士醬，青椒爽口嘅青椒，仲有香口嘅火腿，質素一啲都唔錯。朋友仲拎咗好多煙三文魚、巴馬火腿、薯仔沙律，配上沙律醬，口感和味道非常之正。

仲包一人一杯飲品，我嗌咗凍檸茶，朋友嗌咗凍奶茶，水吧部嘅質素都唔錯，師傅沖調得幾好飲。

最後每人食一個甜品窩夫：奶油窩夫配雲呢拿雪糕

窩夫嘅口感非常鬆脆，口感綿密，配上雲呢拿雪糕超級邪惡，伴碟有士多啤梨和藍莓粒，很好看呢！甜品絕對是遠超自助餐的質素。

除了澳洲穀飼肉眼扒任食，包括自助沙律吧熟盤任食，及主菜餐牌價238蚊一位再加埋一大約250，下次要帶多兩位朋友嚟食先得，因為四位或以上有全單9折，抵勁多ＸＤ

＊酒肉朋友＊Brothers Bar & Grill

喺北角一帶行街，朋友話有啲想食燒烤，我哋上網搵咗間叫Brothers Bar & Grill，它位於鰂魚涌，我哋就由北角行去鰂魚涌。睇過餐牌之後發覺價錢非常之親民，嗌多啲都唔驚荷包乾塘。

酒盗芝士＄48當中加入咗芝士同麵豉醬，味道非常之濃郁，特別喜歡芝士的芝香味，好厚身的說。跟咸餅乾的味道非常之配，就當作係開胃小食，很好，很好。

之後叫了喜之次一夜干$128，估唔到呢度有喜之次魚食，平時係居酒屋食一啲都唔平，但係呢間只需要128蚊，一於係一條嚟試下啦。喜之次魚很考功夫，這條一夜干沒烤焦，汁液保留得不錯，吃下去非常肥美，肉質鮮嫩。外皮燒得黃金香脆，這條魚本來就是鮮甜的，加上師傅功夫好到家，好好保留芳香馥郁的魚油，加上魚甜獨特，多吃都不膩。

吞拿魚額頂燒＄98加分

每條吞拿魚只得兩片的額頂，因此非常矜貴，＄98就食到（心心眼）口感好咁非常之軟骨，吞拿魚魚味香濃，吃下去卻沒帶一點腥味，最喜歡軟身嫩滑的魚肉。另外，放入口時帶微溫，超好吃，真心值得一試！！

蘆筍豚肉卷＄20食當中採用嘅蘆筍相信係比較鮮嫩，食落去唔多渣。而豚肉嘅脂肪比較多，帶有好重嘅脂香味，超級正。食落去鹹鹹哋，亦唔會搶咗大家嘅味道，沒有一點韌感。旁邊嘅雞腎＄28非常之爽口，雖然一粒粒好細，但係非常之有咬口。

銀鱈魚＄48銀雪魚真是一個用心的食材，入口即化，脂味香噴噴的，感覺很滿足。魚肉惹味無比，仲厚肉添，再加上一啲燒汁特別好食。

薄燒牛舌＄28，雖然呢度寫嘅係薄燒牛舌，但係出到嚟又一定嘅厚度，配上少許的黑胡椒，味道更勝一籌。牛味非常之重，牛舌的口感較軟淋，食落唔會有渣。

雖然今晚唔係食咗好多嘢，但係呢度嘅環境氣氛唔錯，出面有露天食堂，而裏面嘅冷氣都好夠，出面嘅燒烤絕對唔會吹道熱氣入去入面。仲有，我們每人都是用了200蚊左右埋單，能夠食到喜之次一夜干算係唔錯。

＊ ​越南越愛＊​ 越男仔

呢間越南仔喺銅鑼灣登龍街v-point開咗個零月，一直都冇機會去呢間試，好想試下。結果今日就去咗啦，裝修非常之新，以藍色為主題，跟越男仔呢個名非常之匹配，地方面積好大，能夠容納很多食客，絕對不用擔心排隊排到去另一條街嘅問題。

睇過餐牌，價錢都幾親民，仲可以跟餐加杯嘢飲同埋小食，同其他越南餐廳好相似。

先點冰鎮蜜糖凍蕃茄跟餐＄25，番茄的確非常冰鎮，軟淋淋的鮮茄配上柚子汁，又甜又酸，實在非常開胃，含有大量嘅茄紅素，好值得一試。

朋友嗌咗招牌原隻軟殻蟹＄78， 睇落好唔錯，炸得脆卜卜，佢話幾好食，帶一點鹹香，鹹香得來不會很濃，蟹肉也是頗多，不只是殻那麼簡單，有一些蒜蓉的調味，見佢食得好滋味。

朋友還點了招牌手撕雞拼扎肉椰汁酸湯湯檬粉＄62，我試了一口，酸味非常濃郁都算喜歡。好彩朋友係椰汁酸湯空，特別鍾意食這東西。

越式生牛肉牛骨湯河粉＄58

我係保守派，比較喜歡那一啲招牌河，實冇死。生牛肉嘅口感硬了一些，但是牛肉味非常香濃，份量很多真是比起其他越南餐廳的多了一倍。湯底非常之濃郁，十分推介。牛肉索了那些牛骨牛肉湯汁，非常美味。原來仲可以加錢追加一啲配料，包括牛柏葉和炸牛丸等等，不過這碗我就很足夠了，因為份量很多很多。提外話，這個價錢來說十分實惠。

我們熱薑蜜跟餐＄18和薄荷龍眼水跟餐＄20，味道中規中矩啦，能夠做到要求，但不算很好喝。

＊ ​天氣好熱，無阻我想食辣野既決心＊​ 老川皇

​

雖然今日天氣好熱，但都無阻我想食辣野既決心，反而覺得好開胃。

兩個人叫左三樣野：口水雞，水煮魚，同埋一個菜，再加多兩樣果汁。

口水雞

我不嬲都好鐘意食口水雞，逢見必點。今次叫左例牌，但都好多，如果當午餐絕對夠送一碗飯有突呀。口水雞夠晒辣，而且雞肉又唔會鞋口，成碟清晒。😋😋😋

清炒萵笋絲

唔係好知係咩黎既，但我朋友試過話好食，甘就試下啦。又真係唔錯，好清爽，好fresh 既感覺，果然無介紹錯。👍🏻👍🏻👍🏻出街食飯最鐘意叫返一碟菜既。

最後重頭戲係水煮魚

我地兩個都鐘意食辣，但又驚太辣，所以揀左小辣既水煮魚試下。

真係好足料，好多塊魚，同芽菜。我朋友就勁鐘意食魚，

我自己就鐘意食芽菜多d，不過下次會叫中辣過癮d。😎

話時話好少川菜館有鮮搾果汁飲，我地叫左雪梨汁同奇異果汁，絕對足料炮製，超推薦呀

呢餐超滿足，食到勁飽。七點前去到已經企晒人要囉飛等位啦，果然名不虛傳呀。

晚餐 $319^^