＊有水準的餐廳＊SHINE

​

見客之後同男朋友食飯，約咗六點半但係遲咗到一陣間，

佢有少少嬲，因為餐廳都越來越多人了。

但係我哋都決定快啲食嘢，最尾揀咗以下嘅食品：

日式吉列炸蠔配蒜香蛋黃醬質感香脆配上蛋黃醬好味更加豐富，裏面嘅蠔比較有腥味。

脆炸軟殻蟹配黑松露帶子燴飯＄268

黑松露帶子飯嘅味道好香，有少少硬身非常正宗，

軟殻蟹雖然有少少欠缺原本嘅蟹味，不過勝在炸得好香脆，口感挽回分數。

燒安格斯肉眼扒配紅酒燒汁＄308

肉眼扒不嬲價錢都不便宜，過＄300嘅都比較少食，

我哋叫咗七成熟，都真係啱啱好七成熟！非常好！

而且肉質真係嫩，食到燒的香味。

是日甜品拼盤本身以為只係求其一件蛋糕，

點知原來裏面都唔止一樣野，又有女生最喜歡的馬卡龍，

各式各樣的水果及忌廉蛋糕，味道清新之餘又健康。

凍檸茶是我男朋友的，我個水果茶裏面有好豐富，

唔同類型嘅水果，同時個味比較甜，好似飲緊果汁茶。

Shine 

地址：尖沙咀北京道12A號太子集團中心6樓

＊​ 水準非常高嘅一間餐廳＊非凡小廚

​

平時路過土瓜灣都成日見到呢間餐廳，今次第一次入去食，

中式餐廳黎講都十分企理乾淨，冷氣十足。

見到菜單都幾多選擇，又有烤魚又有雞煲，感都幾新穎， 

今次就叫咗三樣嘢，豆豉鯪魚油麥菜，古法咕嚕肉同埋生炒臘味糯米飯。

油麥菜上檯夠熱有鑊氣，家常菜嚟講做得出色反而唔容易，

 咸度適中唔會太油膩，菜夠新鮮，食少少已經好開胃。

咕嚕肉炸皮略然有啲硬，勝在咕嚕汁搭救，新鮮菠蘿夠鮮味，疊埋一齊食唔會肥膩。

生炒糯米飯軟身得黎有粒粒分明，有咬口，臘味還可以，有啲鹹。

整體水準中上，最重要係服務員親善可嘉，

有嗰種傳統香港社會中式餐廳嘅傳統風味，好有親切感。

喺同一區裏面水準非常高嘅一間餐廳，中餐裏面嘅話我會選擇呢間餐廳先👍

＊​ Mint-一間好有格調既酒吧餐廳＊薄荷葉

​

薄荷葉，同時係泰式餐廳又係酒吧，係正元朗公共圖書館對面，

係咪以為係圖書館對面既酒吧會做唔起！？

絕對唔係，首先元朗圖書館已經係一個與別不同既圖書館，

前衛既建築風格，令人有耳目一新既感覺，

而係圖書館對面既薄荷葉亦不惶多讓，外面一睇已經非常吸引眼球。

當日係圖書館溫完書有啲肚餓，一出黎就俾薄荷葉吸引住！

兩位唔該！就係咁，我地就食左一餐高質晚飯🤤

餐廳係兩層設計，餐廳下層燈光昏暗，但配上性感既爵士樂，

係一個咁醉人既環境低下食飯，

一個無酒精既椰青都足夠令人心醉神迷，一解係圖書館睇左半日書既疲勞。

食物方面，我點左二人套餐，有牛小骨，檸檬魚，馬拉盞炒通菜同埋泰式沙律。

不得不提既係泰式香柚沙律，以香柚為主題既沙律真係第一次試，

香柚既甜味同其他既配菜完美配合🤤可能係我本身鐘意食碌柚，

可謂一試愛上，好彩沙律既份量都唔細，完全足夠滿足我既肚皮之需🤤

前菜沙律都咁好食啦，馬拉盞炒通菜更加唔講得少🤤

平平無其既炒通菜係一間咁高格調既舖頭入面，

立即變得非凡🤤由於泰式食物味道都會比較重，

依碟炒通菜既沈實味道既起左中和作用，

中和左檸檬魚既辣同牛小排既咸🤤

檸檬魚原大量辣椒同檸檬煮成，充分展現出泰國人對味蕾刺激既追求，

可惜既係我唔食得海鮮同辣😞，所以我都係稍稍咁試左條魚兩淡就交由朋友處理，

所以對條魚既感覺就只有辣酸味道交織既味覺饗宴。

之於牛小排既調味亦都非常之好，而且熟度適中，

可以見到外熟內紅，不過可能係選取既部位問題，

牛扒有啲過韌，比較難切同咬，同調味真係可臻上品

＊​ 隱世高級平民價日本料理＊​ 九重町日本料理

​

同事住屯門藍地，第一次去覺得地方實在有點隔涉，

夜晚落樓附近幾乎沒有餐廳可以選擇，

然而又突然萌生想食日本料理的念頭，

朋友帶我又季季紅左穿右插行了大約8分鐘終於看見九重町的真面目。

一入餐廳第一個反應是「成間餐廳竟然只有小貓三四隻」。沒錯！

除了樓面外就只有2-3枱客，立即令我擔心起那薄如紙的銀包。

另人出奇地有大部分的食物都是一般日本餐廳價格，時價新鮮刺身除外。

最後點了三文魚刺身一份、鯖魚、吉列廣島蠔同牛肉稻亭烏冬一碗。

2人埋單$243，這食物素質絕對對得住這價錢。

牛肉稻亭烏冬：稻亭烏冬出了名纖巧細緻口感柔滑，

這裏的稻亭烏冬相信是人手拉出來的，口感實在令人讚嘆。

但是湯底味道有少許過重，味噌的味道覆蓋了京蔥、

海苔和牛肉的鮮味，如果湯底的口味能較淡就完美了。

三文魚刺身：刺身三文魚是細膩的橙色而且有一定的厚度，

絕對同出面的平價刺身有很大的分別。口感結實饱，魚油豐盈，

肉質爽滑，點了一點點的醬油味道已經好出好正！

吉列廣島蠔：蠔肉飽滿味道甘香，但略厭包裹的外皮粉漿太厚，形響整體味道。

鯖魚：最令我欣賞的鯖魚， 外皮酥脆肉質又有油脂不乾柴，

帶鹽醃咸香，就算肚子飽極都堅持要食最後一啖。

整體而言，餐廳佈置精美極具日本高級餐廳韻味，

食物性價比高，質素頗高。

但唯一缺點是地點不就腳，有興趣的人建議先做地點資料搜查～

＊值得推介泰國菜＊亞萊嘜嘜

​

今日收夜，山長水遠入元朗，

約左個老友黎呢間泰國菜！

平時行過呢間泰國菜見要排隊，

可能今晚入座時間較夜， 

好彩吾洗排隊，  但現場都差吾多滿座。

進入門口後抬頭看到橫梁畫滿圖畫和文字，非常特別

而地方都幾大，每張食枱都非常寬敞，舒適~

一order完，好快上菜。

先黎一個馬拉盞炒通菜

咸咸香香的確幾惹味，

加左洋蔥同蝦米，好入味，吾錯!

再黎芒果蟹肉炒飯

蟹肉夠多，炒飯底都夠乾身，

加上甜酸芒果，都幾開胃

2個人好快清哂

之後既青咖哩牛腩真係推介

牛腩好腍身，夠入味，

再加上四季豆同配菜索哂D咖哩汁，

好正， 好想加返碗白飯

最重要係咖哩吾算辣，啱哂食吾到辣既我，

如果食得辣既建議可以試下紅咖哩牛腩， 贊 👍👍

泰式拼盤-細

有蝦餅，春卷，香葉雞，南瓜餅，魚餅

蝦餅外皮炸得好脆，裏面蝦膠好彈牙

呢盤大部分都係香脆野，炸物再加上酸甜醬

食起黎無咁熱起又醒胃

最後先黎蒜香包， 

賣相已經好靚， 炸到金黃色

外脆內軟，蒜香味好重

 3舊真係吾夠喉，

下次要一人一份先得

現場環境算光猛，

2人卡位坐落都好舒服

侍應都加左4次水，服務態度幾好

主動問我地食物好吾好食，

我答梗係正啦， 一定有下次!!!

價錢就吾算貴

又肯用料，性價比高!!

咁遠入到黎元朗都係值既!!