＊回本之選＊創新過癮磯燒海鮮放題 御。八幡屋

今日同friend慶祝生日，想食好d既賀下佢，咁就去左旺角搵下，等緊佢個陣見到呢間有得磯燒海鮮就想去試下，一黎未試過，二黎又覺得特別，就揀咗呢間！

為磯燒海鮮來食，當然要點啦！
始終食過咁多次放題都無試過，都好抵啊！

呢到分開放題同埋磯燒海鮮嘅落單簿仔，落左單野食好快到！

一黎就係海鮮比我地燒，d帶子，青口，海蝦等望落好新鮮，咁原來佢有比一支清酒for燒到咁上下加落去，會提升海鮮更有鮮味！

食落咁好鮮味，不含一點沙，好高質素！

咁樣燒下燒下好特別，自已燒下燒下又會覺得好味D，同朋友可以多d互動，燒下比對方食無咁悶嘛！
最好就有埋燒菠蘿，岩燒完熱辣辣放入口真係好甜好味！

 

一路上枱有刺身，天婦羅，壽司，燒物等，帆立貝刺身好鮮味！

 

仲有個蟹子蝦球炸得非常香口兼蟹肉幼嫩，停唔到口！

呢間天婦羅炸得香脆而不油膩，仲有炸金茹天婦羅外脆內爽口，口感豐富！

燒羊架同多春魚都燒得很不錯，羊架嫩口無蘇味而多春魚都好肥美，好多魚籽質感香酥爽口！

仲有香辣炒蟹炒得有獲氣好香辣，連外殻脆卜卜！不過都幾熱氣。

好難忘既仲有雞泡魚魚乾食落甜甜地，一條接一條食到停唔到啊。

 

 

 

今次主要食磯燒海鮮，單係食海鮮就已經好足夠好飽！

呢到招呼尚可，有教我地點燒同埋清碟清得快！
而家食放題既要求唔止好食咁簡單，係要有多d特別既gimmick，
係到一邊燒一邊食係好過癮，呢到好岩鐘意試新野既朋友黎！

 以甜品作結吧～

＊食物多元化。主打為cocktail＊辦館LOF10 Bar Dining

銅鑼灣人來人往，餐廳亦多不勝數，而位於世貿隔離既TOWER535就隱藏左一個中西合璧既餐廳，呢到非常適合收左工同朋友/同事黎放鬆傾下計。


環境：
餐廳位置方便之餘，裝潢都比人一種新穎既感覺。內部以中式設計為主，襯上呢盞舊式招牌型既霓虹燈光，為整個餐廳營造左一種特別既感覺。而外部比較西式，以室外露天式設計，提供不少座位。當中最特別之處就係利用左隔離大廈既牆身作投影之用，播放住經典既黑白電影。除此之外，亦會播放較休閒既音樂，係到飲酒食野同朋友傾計一流。

 

食物：
呢到既食物都係選擇非常多，小食、意粉、飯都俱全，但令人意想不到竟然連叉燒飯都有。
酒精飲品方面選擇都非常多，主打為cocktail，當中有啲都幾特別，望落有不少以果味為主，較適合女士飲用。

S A K U R A I N L O F 1 0
小量既櫻花花瓣加入酒中，酒味較輕，但仍然突出，飲落帶微微的櫻花味。第一啖飲落較濃味，撈勻左之後會好返啲。


A P P L E J U J U
由於用Whisky酒味會比較重，將蘋果味都覆蓋了。


雪糕三文治（宇治抹茶紅豆）
底部以朱古力醬繪畫花朵既形狀，以曲奇餅為三文治皮，中間夾住雪糕同紅豆。抺茶雪糕食落茶味夠濃，搭上紅豆非常夾，但稍有小小太甜，曲奇餅方面則有小小普通。


擔擔薯條
睇個名就覺得特別，後來先發現不來係用左擔擔麵既汁淋係已經加左調味粉既薯條之上，十分特別。


沙爹安格斯牛肉撈丁
點解出街都要食公仔麵？但呢款並不同平時食開既公仔麵，用料採用左安格斯牛肉，煮到淋一淋，入口即化既感覺，配上青瓜絲與半熟既蛋，食落感覺幾特別。

用餐完畢後可以坐多陣嘆下呢一段休閒既時間。