＊拉麵小確幸＊幸屋

朋友話想食拉麵，我喺openrice度搜尋咗一間位於灣仔專係食日本嘢，佢個名叫幸屋， 食日本嘢通常俾人感覺好貴，但係呢度正正相反，佢感覺有啲似半個居酒屋，而拉麵同埋丼飯係主打，同時亦有唔少嘅燒物。一黎就比左杯綠茶^_^

睇過menu後發覺價錢非常之便宜，特別係燒物套餐68蚊，可以揀幾樣+飲品。不過始終今次到嚟嘅目的都係試下呢度嘅拉麵同埋丼飯。

我朋友嗌咗期間限定拉麵＄88(大蜆濃湯沾麵)呢個就係近期日本大熱嘅沾麵，將適量麵條點落湯裏面浸一陣，然之後拎上嚟食，湯嘅味道同埋質地都唔係話好濃，唔太似沾麵。粗面嘅質地偏向硬身，但同時亦大分粉，蜆肉帶鮮味，味道還不錯。

而我就嗌咗一個丼飯食，燒鳥丼＄78 ，個名幾有意思，事實上佢係一般嘅雞肉，雞肉燒得幾香，好夠火候。呢度嘅蛋質地比較生，唔似出面嘅溫泉蛋，相對口感冇咁滑。我會選擇將蛋撈勻個飯食，飯嘅質地比較濕潤。呢度用嘅係正珍珠米，十分正宗，口感非常彈牙。

加錢就可以飲野，感覺都唔錯！我同朋友都叫咗可樂$12，仲有果粒橙、波子汽水等。

平平哋食一餐日本菜，其實都係SHARE黎食。每人$100有找，就可以同朋友吹水，都幾好㗎！