＊一戰美味放題店＊​ 神戶屋

​

四條友喺旺角唔知食咩好，睇睇開飯見到呢間放題好似唔錯就即時上去啦～

好彩因為去嘅時候已經係九點，所以都唔使特別等位～

 

一坐低店員就叫我地對先揀咗送嘅海膽或生蠔同埋和牛鍋或部隊鍋先，

生蠔唔錯仲有蠔汁提供，和牛鍋啲牛好滑湯底好甜～

 

刺身全部都算新鮮，尤其係甜蝦同天使蝦好甜抵讚。

珍寶帶子果然夠珍寶真係好大粒，雖然有輕微雪味⋯三文魚好肥美，不過唔敢食太多～

 

壽司同卷物全部都好味，尤其火灸類，最搞笑係個韓式紫菜包飯，

即係日式太卷哈哈，不過都好食嘅⋯

 

熟食方面，薯絲包蝦最好食，韓式炸鮮奶幾特別，奶味幾濃，

而且有啲芝麻鋪面，炸得好香脆～天婦羅類相對厚粉，加上已經好飽就無點食啦

 

甜品同飲品都係自助出去拎，有奶凍雪糕雪條都幾多款，

而且店員好踴躍叫我地拎多啲甜品食都幾搞笑，下次可以叫多啲人一齊再黎！