＊共享天倫之樂＊樂天經典

喺朋友口中同埋親身經歷證明咗，樂天皇朝係一間CP值極高嘅中菜，特別係老一輩好鍾意食中菜歎下茶，而我哋新一代就未必太鍾意茶樓嗰種風格，咁啱好呢一間係可以中西式融合，格調非常之好，好適合一家大細呢進食，共享天倫之樂！好老實講，唔係咁多餐廳俾到呢個感覺我。

 

餐牌上面寫住推介，喇沙湯海鮮米線＄72， 喇沙湯嘅味道偏辣，但係調味非常之香濃，亦唔會過俗。面頭有幾隻大蝦，仲有浸到林曬嘅豆卜，啲喇沙汁索曬非常之好食。而底下嘅米線我都好欣賞，因為佢嘅口感比較淋身，同時亦帶有一些o趙頭。

 

砂煲豆腐蝦球＄128 S ，蝦球非常之爽脆，但係蝦味唔重，質地就贏曬啦。豆腐經過微炸，外皮香香的，但口感非常之滑身，食到停唔到口。獻汁都整得幾好食，但係有少少偏油嘅感覺，響呢個時候最好就送返碗飯啦。

 

薑蔥鴕鳥肉＄108 S 鴕鳥肉整得非常之口感，質地非常林身，但食得出唔係用咗鬆肉粉嗰種效果，薑蔥亦都夠火候，特別是蔥味，覺得非常之香濃。

 

砂煲花菇西蘭花扣海參＄198，平時食嘅海參都係比較硬，但係呢度嘅海參雖然唔係話發得好脹，但係一咬就斷，再加上獻汁嘅調味，非常之好食。冬菇方面持續餐廳嘅一貫作風，整得非常之林身，並且富有口感，反而西蘭花嘅分量唔多，但都好好食。

 

楊枝甘露＄35 x 2 甜品方面，我哋嗌咗楊枝甘露試下，價錢唔算貴，合理合理！楊枝金露嘅味道偏酸，而芒果汁就好重芒果味，加上少少嘅西米同埋芒果肉撈埋一齊，真係一流！

 

我諗大家都好關心佢嘅附加費 茶位每位＄7+小食每碟＄15。非常之化算，原因係佢嘅香片非常之濃，並唔係普通茶樓好稀果d，算係上等茶葉，濃郁甘香。