＊性價比高火鍋。康熙花膠雞湯鍋＊滾得囍

​

周末同屋企人family day，去咗北角嗰邊打邊爐，

最近新開左一間火鍋店叫做滾得囍，個名幾得意，

最重要係湯底有啲係好補嘅！

康熙花膠雞湯鍋（半隻）$288

都想留肚食其他火鍋配料，所以就叫咗半隻雞，裏面有好多花膠，

隻雞本身係半熟所以滾多一陣就啱啱好可以食，唔會太老。

本身啲湯好黃，好似人造色素，不過慢慢就知道原來係真實嘅雞油！

慢慢啲色就會越嚟越淡，啲雞好滑而且好入味，成件事好補。

薑汁雞子＄48

平時啲人話雞子好補身，因為有好多蛋白質但係又唔會好多脂肪，營養甚高。

薑汁雞子薑汁味好淡，不過啲雞子大大粒，好有鮮味，男女都食得。

日本稻庭烏冬＄18

之前去其他地方食稻庭烏冬好貴，呢度＄18就有，

而且賣相唔錯，份量豐富，夠晒食。

炸支竹＄38

支竹分量超多，好明顯炸過，有少少油份，

加埋落個湯底吸晒啲油勁入味好味。

即炸響鈴＄38

如果響鈴唔係新鮮即炸，應該都唔敢講自己係即炸響鈴。

每一條響鈴都大大條，新鮮滾熱辣，落咗湯幾秒即刻拎返上嚟，

外皮雖然林左但係裏面仲有啲香脆，同一條響鈴有兩個口感，必食！

本身已經茶介+醬油＄20包埋飲茶，茶係桂花茉莉茶，

不過食炸野有啲熱氣，就叫咗個竹蔗矛根＄28，

性價比超高，而且裏面真係好足料有眼睇，

媽咪連裏面嘅竹蔗都食埋，甜味適中，美味！

​ ＊拉麵又抵又好食＊宮葉

我係個好鍾意食拉麵嘅人，我朋友更唔例外，所以今日我就同佢一齊食拉麵。

入到去即刻有位，員工服務態度都唔錯。

我地點咗個日本海鮮拉麵同日本牛肉拉麵，大約等咗十幾分鐘就嚟。

首先，講日本海鮮拉麵，海鮮包括有八爪魚、海苔、青口、蝦、金菇等等，加埋拉麵。

八爪魚肉質好嫩滑，口感爽脆，略带甜味。

海苔雖然有少少浸咗落湯，但依然係好香，脆脆的。

 

青口肉質一樣的嫩滑，味道鮮甜而且仲有好大陣清新嘅海洋味，肉質肥厚。

蝦味道都幾有水準，鮮度十足，沒有苦澀感，用料新鮮十足。 湯底亦十分濃郁。

 

另外，講日本牛肉拉麵，入面有牛肉，雞蛋同拉麵。

牛肉油脂豐腴，肉厚味鮮，肉韌但牛味十足，十分美味，

雞蛋亦是全熟，非常的熱，美味極了，湯底比較上多油。

 

拉麵很彈牙，而這隻是偏幼身的，長度也較長。

價錢也合理，整體來說是不錯的。

＊美味日本釜飯＊​ 奈良上釜

​

媽咪放工我就帶佢去食飯，今次就食咗個最出名的日本飯，喺登龍街新開。

好彩我哋早去食，六點半嘅時候人數唔算太多，

但係大概七點幾已經超多人，我哋都唔好意思坐太耐，講返正題都係講返嘢食啦！

 

奈良七盛釜$288

蟹肉、海蝦、鮑魚、三文魚子、冬菇、白本菇、三葉

 

配漬物、煮物、冷物、前菜、茶碗蒸、味增湯

最左手邊就係漬物，酸酸地非常開胃；

中間係胡麻醬豆腐，凍的，滑又香，表面仲有啲木耳就更加香口。

 

一開始就食茶碗蒸，蛋好滑而且材料夠豐富，

包括了名門卷、冬菇、蝦、三文魚子、蟹肉和香蔥的食材。

而且送上來的時候熱辣辣十分吸引，必須即食👍🏻

 

如果沒有記錯，這個豆粕也是這個套餐裏面的，

裏面有好多汁，大大粒，吸晒啲味，甜甜地又鹹鹹地，增加飽肚感。

 

刺身總共三食，甜蝦、吞拿魚和油甘魚。

甜蝦鮮味十足，而且有點爽口；

吞拿魚我不喜歡所以媽媽吃了；

油甘魚油脂不多但是有很重的魚香。

 

呢個主要係有七樣野食配上飯，終於上來了！

不要碰到旁邊銀色的，很熱會整親隻手（我就唔小心整到了）

包括味增湯、三文魚子、飯和甜品。

味增湯咸味剛好，材料十足。三文魚子獨立擺放的原因是因為不想他變了熟的⋯

飯內有鮑魚，蝦和其他蔬菜。飽魚經過調味口感有彈性也非常享受。

 

 

蟹盛釜飯配：

松葉蟹腳天婦羅、松葉蟹腳冷物（ 熟 )、味增湯、植物、生果$298

首先送上了的就是松葉蟹腳天婦羅、松葉蟹腳冷物（ 熟 )，

 

先行一下松葉蟹腳，清甜之餘又新鮮，非常好吃，

而且已經開了邊，也有工具，不會吃得很狼狽。

 

天婦羅裏面竟然有真正的蟹腳，我的天阿！

鮮味十足而且能夠鎖住水份，外脆內軟非常好味。

 

 

托盤內很豐富，包括有漬物、味增湯、茶碗蒸和甜品，

今次的茶碗蒸表面不是三文魚子，是蟹子。

 

蟹蓋工整被放在表面，一揭開發現裏面有很多熟的蟹子和蟹肉，

鮮味十足，飯也需要攪拌否則很多「痴底」的機會，

而且份量有很多，即使是男生也可以夠飽。

 

加一後大概三百幾蚊一位，其實試一試新野也是不錯的，

不過價錢就不能經常吃啦，間中豪華一下吧～

＊午餐泰識食＊泰聚

​

平時返工食lunch都唔知去邊度食好，見到公司附近有一間以黑色為主裝修的泰國菜，

叫做「泰聚」，感覺上好華麗Feel嘅裝修， 充滿着泰式風味，

而且餐廳門口出面有錶位泊車，非常方便，所以選擇咗嚟呢度食lunch。

 

餐廳環境整潔，位置非常寬，以落地玻璃設計，陽光能夠射入餐廳，好舒服嘅感覺。

 

 

 

 

 

 

 

 

 

 

見到餐牌上有唔同款式嘅lunch套餐，

包括「泰式粉麵」、「普通午市套餐」同埋「有營行政小菜套餐」，

而飲品方面有不同飲選擇，例如「原隻菠蘿沙冰」同埋「原個西瓜沙冰」等等，

仲有我最鍾意嘅泰式甜品，多款選擇。

 

 

 

 

 

 

 

 

 

 

 

我哋就叫左一個「有營行政小菜套餐」，就係「泰式海南雞配雞油飯」，

呢個套餐仲配埋一碟油菜、一碗泰式例湯同埋飲品，

而我就比較鍾意飲沙冰系列嘅飲品，所以就加左＄18要一個「原個西瓜沙冰」。

 

食物終於嚟到喇，套餐用一個盆裝住上菜，

首先就飲泰式例湯，原來係冬瓜湯，湯嘅味道好濃郁，

有好濃嘅冬瓜湯味道，而且唔太鹹，味道剛剛好，

仲係熱辣辣添，湯入面有一舊冬瓜，冬瓜煲到好「林」，

食落去軟林林又爽口，好飲。

 

泰式海南雞有雞髀嘅位置，另外仲有少少雞胸，

再配埋一碟泰式辣汁一齊食，好惹味啊，

泰式辣汁唔算太辣，而且雞嘅肉質滑，

有雞嘅味道，再配埋油飯一齊食，好正，必食之選。

 

另外西瓜沙冰賣相非常吸引，佢真係用成個西瓜裝住啲沙冰做成架，

而且啲西瓜沙冰係用新鮮嘅西瓜汁造成，賣相咁吸引，

飲落去都非常好飲，份量非常多，食完飯仲喺度飲緊添。

 

而我個朋友就叫左「午市套餐」嘅「泰聚滷水豬髀飯」，

又係配埋一碗泰式例湯，泰式例湯一樣都係冬瓜湯，

而豬髀飯配左一碟黃色嘅泰式辣汁，豬脾賣相非常吸引，

見到佢啲豬脾皮非常滑，而且滷得好入味，肉質好「林」，

食落口有入口即溶嘅感覺，再配埋黃色辣汁一齊食好match啊。

 

 

 

而餐飲方面我朋友就叫咗「原個菠蘿沙冰」，

菠蘿沙冰一樣都係用原個菠蘿裝住，

菠蘿沙冰當然飲落去都係菠蘿汁嘅味道，

而且份量都好多，佢爭啲飲唔晒添。

 

最後我哋叫咗個「泰式甜品」來試吓，

當然有我最鍾意嘅椰汁糕啦，味道一樣好正，

而且唔算太甜，我哋一口氣就食晒四件了。

 

 

 

 

 

 

 

 

 

 

 

 

 

 

 

 

最後埋單都係＄200多啲，

兩個人就可以食到咁豐富嘅午餐，

而且好味，真係非常抵，下次再介紹其他同事嚟食下先。