＊特色新放題＊大本瀛日式放題

有朋友話最近搵到間唔錯既日本放題，今日一於來試下啦！

一出就見到餐廳招牌，再行前就見到友善既店員在前枱安排座位，當日有預約就準時入得，唔需要約左都等！

菜式方面種類非常多，可惜胃袋有限，2個人食既份量都唔算多，有好多款式都食唔到。

食物賣相非常好，一見到已經勾起食慾，刺身盤搬設成花一樣，有點主題特色！

來到關鍵既食物味道，原來都唔係得個樣，刺身新鮮度高，鮮味濃郁不在話下，而且咬落仍然保持到好有彈性，口感唔會霉，三文魚同油甘魚尤其出色，推薦！

赤蝦刺身亦都好值得一提，蝦身夠大而且咬落爽韌，微微蝦膠黏著感覺，鮮味十足！

通常放題壽司一般都比較失色，但今次大本灜既黑松露三文鱼同油甘魚壽司相當唔錯，香濃黑松露味道再混合刺身，鮮味非常強烈，但加上壽司飯剛好可以作為中和，非常好！

軟殼蟹手卷好香脆，而且殼身較厚更有口感，炸得唔會好油膩，落少少豉油就好好味！

最後有驚喜既竟然係榴槤炸彈！個人認為食榴槤既人必食，表面炸到脆身，內裏係濃郁既流心榴槤，十分美味！

大本瀛日式放題 

地址 旺角西洋菜街1號兆萬中心10樓