＊西式浪漫嘅氣氛＊El Cerdo

黎到荃灣呢一邊行，自然行到攰就想搵間餐廳休息下食個晚飯。
呢一間餐廳嘅佈置幾好，近於西式嘅模樣，而亦都制造到一個比較浪漫嘅氣氛。



香辣脆炸大蝦
呢一個大蝦有少少嘅辣味，但主要嘅係廚師將佢成隻都有炸過，令到每一隻蝦都由蝦頭脆到蝦尾，正因為呢一個原因，所以可以成隻蝦咁食，咁當然啦，除左個蝦頭之外。

慢煮八爪魚配薯仔酸豆
每一粒嘅份量都剛剛好，可以一口食哂。就係因為可以一口食，先可以知道八爪魚同酸豆嘅完美配合。我比較中意嘅就係佢以酸豆去中和呢一碟食物嘅油膩感，令到我食落去唔會因為油膩感而食唔落後面嘅菜式。

Mango island
呢一杯名為mango island嘅飲品，主要就係芒果嘅味道，但係芒果嘅味道並唔會有佢大陣嘅酸味又或者太甜而令到成杯落唔到口，佢嘅微甜令到我覺得一杯都唔夠。