難得要去荃灣交收，夜晚梗係約住荃灣既朋友仔食好野，
佢就提議食串燒。最好的朋友仔book埋枱，怕太多人，要等好奈。
去到見到每張枱都坐滿人，好彩有預約，如果唔係都要等一陣。
叫野食係用tick tick紙，總共有三張紙，有重慶串燒，
麻辣燙同埋酸辣粉，花多眼亂呀！
不過今次主力食重慶燒，因為真係太奈冇食過串燒喇。
串燒可以續串揀辣或者唔辣，岩哂我地呀，
因為我好中意食辣野架，但朋友仔就唔食得辣。
味道唔錯，燒得好香唔過火，食菜就係我最愛！
首先叫左個小食，口水雞。叫完一分鐘都唔洗就到左，係成盒滿哂咁多！
絕對足料呀，而呢間舖頭既口水雞係凍既，口感味道也不錯。
另外不得不提既係飲品既選擇，唔係得汽水果汁揀，
酒精飲品都有幾款，食串燒又點可以唔飲啤酒呢，
叫番枝1664啤啤佢！
仲有粉絲蒜香燒大蜆又係好難忘，大蜆多汁鮮甜，好正呀！不
過$19一隻都唔算平，唯有食一隻頂下癮啦。
下一次經過都想試下佢既麻辣燙同酸辣粉，睇下係咪一樣咁正！
沒有留言:
張貼留言