＊家人放題聚＊大喜屋

​

同屋企人去食放題，最開心就係一大班人一齊傾計。

而且佢哋都好鍾意食海鮮，呢度有凍海鮮系列啱晒我哋全部人！

加拿大松葉蟹腳夠晒鮮甜，而且關節位亦出泡突顯新鮮。

完全沒有放太久的死咸，紐西蘭青口亦非常柔軟似足生蠔。

西班牙凍蝦大大隻而且夠爽口，東風螺比想像中更加入味鮮甜。

所有刺身都非常新鮮，特別最吸引我的是帶子，很彈牙呢！

甜蝦的蝦頭亦夠粉，新鮮程度可見一斑。

三文魚+北海道鮮帶子+北寄貝+甜蝦+希靈魚

鵝肝牛肉卷鵝肝味濃郁十分，但又不會肥膩。

醬汁的配搭亦不錯。

牛油炒有機甜粟米夠清甜而且牛油味濃郁，口感很爽。

燒香草羊鞍雖然比想像中細，不過羊味很濃郁～

大把野飲揀囉！！

雪糕選了甜筒，每人一支值回票價了！$273結帳～

＊麻辣寶寶 ＊麻辣串串香

平時都少可入荃灣，最盡都係去葵廣掃街。
難得要去荃灣交收，夜晚梗係約住荃灣既朋友仔食好野，
佢就提議食串燒。最好的朋友仔book埋枱，怕太多人，要等好奈。

去到見到每張枱都坐滿人，好彩有預約，如果唔係都要等一陣。

叫野食係用tick tick紙，總共有三張紙，有重慶串燒，
麻辣燙同埋酸辣粉，花多眼亂呀！

不過今次主力食重慶燒，因為真係太奈冇食過串燒喇。
串燒可以續串揀辣或者唔辣，岩哂我地呀，
因為我好中意食辣野架，但朋友仔就唔食得辣。
味道唔錯，燒得好香唔過火，食菜就係我最愛！

首先叫左個小食，口水雞。叫完一分鐘都唔洗就到左，係成盒滿哂咁多！
絕對足料呀，而呢間舖頭既口水雞係凍既，口感味道也不錯。

另外不得不提既係飲品既選擇，唔係得汽水果汁揀，
酒精飲品都有幾款，食串燒又點可以唔飲啤酒呢，
叫番枝1664啤啤佢！

仲有粉絲蒜香燒大蜆又係好難忘，大蜆多汁鮮甜，好正呀！不
過$19一隻都唔算平，唯有食一隻頂下癮啦。

下一次經過都想試下佢既麻辣燙同酸辣粉，睇下係咪一樣咁正！

＊敍會聊天的的好泰方＊新泰東南亞

內裡裝潢非常寛敞，感覺有點像沙X王，坐得好舒服，是個敍會聊天的的好地方。

先點（458） 泰醬焗青口 $98

面層金黃色很吸引，陣陣芝香樸鼻，芝士味香濃，仲好夠鹹香。泰醬加上芝士醬令除去青口腥味，就連我平日唔點食青口的朋友都可以接受到。

青口不但沒有雪味，而且不乾身，嫰口多汁，入口帶點鮮甜。

557 泰式蝦炒金邊粉$98

有蛋皮系面，旁邊加上花生碎，賣相唔錯，感覺複雜又清新。金邊粉質感爽，夠哂彈牙，唔會太淋，同時食起來又有點點濕，這裡的金邊粉十分出色喔。金邊粉加上左芽菜、 豆干來炒，很香口惹味。味道香濃足料剛好， 酸甜適中。

605 原個椰青大菜糕$68

大菜糕以新鮮椰青水製作，唔會死實實，qq彈牙質感，幾好食。

周邊亦有新鮮白色的椰肉，充滿清香椰味。佢硬既程度剛好，偏向軟身，味道天然，十分清涼，劃上令人好滿意的一個句號。（重點一提，幾抵食。）

＊西式浪漫嘅氣氛＊El Cerdo

黎到荃灣呢一邊行，自然行到攰就想搵間餐廳休息下食個晚飯。
呢一間餐廳嘅佈置幾好，近於西式嘅模樣，而亦都制造到一個比較浪漫嘅氣氛。



香辣脆炸大蝦
呢一個大蝦有少少嘅辣味，但主要嘅係廚師將佢成隻都有炸過，令到每一隻蝦都由蝦頭脆到蝦尾，正因為呢一個原因，所以可以成隻蝦咁食，咁當然啦，除左個蝦頭之外。

慢煮八爪魚配薯仔酸豆
每一粒嘅份量都剛剛好，可以一口食哂。就係因為可以一口食，先可以知道八爪魚同酸豆嘅完美配合。我比較中意嘅就係佢以酸豆去中和呢一碟食物嘅油膩感，令到我食落去唔會因為油膩感而食唔落後面嘅菜式。

Mango island
呢一杯名為mango island嘅飲品，主要就係芒果嘅味道，但係芒果嘅味道並唔會有佢大陣嘅酸味又或者太甜而令到成杯落唔到口，佢嘅微甜令到我覺得一杯都唔夠。

＊估唔到臭豆腐都可以做火鍋＊8鍋

臭豆腐都可以做火鍋？
真心未試過都估唔到可以咁match法！
喜歡試新野，就根係唔會放過依個機會啦！

今次就約左好友去試下依個人氣最近hit爆8鍋！究竟臭豆腐火鍋係咪真係咁正呢~

餐廳門口招牌，都有幾多同我一樣想試吓新野而來嘅食客！餐廳主打台式火鍋，我諗臭豆腐火鍋係台灣應該都頗為盛行，迎面傳黎臭豆腐既臭味！果然夠臭ar！

點餐既時候，睇一睇餐牌發現有幾多款唔同款式嘅火鍋，款款嘅配菜同材料都唔同，諗左兩諗就同朋友各自點左一個招牌臭豆腐鍋同沙茶牛肉鍋！


Menu上面每個鍋大概一個人份量左右，材料方面睇得出餐廳幾有自己心思，每一個鍋材料都超過十種嘅食物材料，依家可以依照自己對食材既喜好配餐，非常貼心！


食材方面大概都係依啲配料有貢丸、豬肉、臭豆腐、血米榚做主打。


沙茶牛肉鍋
湯底不錯，味道偏濃，而且入邊嘅肉類頗多，比較重口味。
同朋友點嘅招牌臭豆腐鍋相比，沙茶牛肉鍋較接近香港人想吃的火鍋風味。湯底比較似沙嗲醬汁，雖然唔係以！臭豆腐做主打但係都有一兩塊滿足食客嘅需求。除咗悶悶嘅肉類愛仲有啲蛋同蔬菜嘅材，令到成個鍋識落唔會太過油膩，份量來說算係幾均衡！
值得一讚嘅係用來配搭非常好，牛肉薄切得黎有口感！令到湯汁醬料更容易入味！

招牌臭豆腐鍋
為喜歡嘗試新野的香港人，我叫朋友點左依個餐廳主打招牌嘅臭豆腐鍋！配料方面同我自己點果個沙茶牛肉鍋有D相近。

話明臭豆腐喎成個喎對滿了滿嘅臭豆腐，而肉類亦都改以厚切豬肉片為主打！

除了滿滿的臭味外，鹹香嘅湯底亦都令人回味無窮，臭豆腐同火鍋出奇地令到很多食材嘅鮮味附近更能凸顯出來！
尤其喜歡番茄和臭豆腐的配搭神奇的配合令到兩者的味道特別凸顯出來；蕃茄的香甜綿軟中和了臭豆腐的酵味，值得一試！


除咗火鍋方面仲叫咗兩杯特色飲品：盤栽奶茶同檸檬綠茶。

 盤栽奶茶其實就是係曲奇mix奶茶，感覺幾得意，好飲。外型上面成個盆栽咁，值得加分！
而且味道其實唔算太過甜，但係可能因為食火鍋依種比較鹹嘅菜式，所以依杯飲品嘅甜能夠中和到成個打bino既過程！                       

＊​​ 忌廉芝士薯條​果然有一手＊​ Pizza盡顯功架​＊薯仔屋

​

經好友推介之下，原來有一間係銅鑼灣內街嘅樓上咖啡店，唔使成日食連鎖店，而且價錢都合理。

環境非常舒適，特別是有很多老闆兒時的模型玩具，那個時候我應該還未出世吧XD

仲有新嘅打機遊戲機，就係我之前經過深水埗見到好多地方都賣緊嘅月光寶盒，不過呢個就特別清晰。

仲有小朋友俱樂部，唔一定要全部老友或者大人，帶小朋友來亦都得。

忌廉芝士薯條一上緊嘅時候大大條，而且味道香脆，做薯條果然有一手，不愧為薯仔屋。

最主要係醬汁包括酸忌廉，茄汁和BBQ燒汁，酸忌廉配熱薯條， 一凍一熱，而且味道匹配。本身亦都有好多忌廉芝士， 就算唔點醬汁味道亦唔錯。

另外基本Pizza亦盡顯功架，表面咩材料都有啲，芝士唔會太厚，口感非常豐富，而且餅底是用上薄底，就算我哋慢慢傾計慢慢玩，凍左都一樣咁好食。用着普通的焗爐，但係心思卻是無價的。

Flower tea is another healthy choice!=]

玩下咁又過咗一個開心嘅晚上，仲有包場服務，如果將來有小朋友我亦會有興趣來呢度開生日派對XD價錢同麥當勞都唔差太遠。