＊​ 滋味無窮＊一鳴拉麵

​

今日原本約朋友出嚟食晚飯，但後來佢失約，有啲唔開心，

於是 自己就走去搵嘢食，對自己好啲 搵一間有名氣嘅餐廳食拉麵，

我本人好注重健康，食物又要有質素，都算係一個奄尖人，

見到餐牌上有一款黑蒜拉麵曲麵(豚肉, 溏心蛋)，

就畀佢吸引住，黑蒜是一種非常有益的食物，

對身體各種機能都好有幫助，味道又潤甜，

好啱我要求，麵質爽口滑捋捋，煙煙靭靭，

豚肉軟腍幼嫩，肉味香濃，肉汁鮮甜，

不需花巧嘅調味已經令人滿意。

再加上一隻用心製作嘅糖心蛋，更加錦上添花，

蛋白滑溜非凡，配搭溶化嘅蛋黃濃香，滋味無窮。

賣相已經好吸引的椒鹽雞翼非一般嘅製作，

氣味濃香撲鼻，雞皮卜卜脆，肉質幼嫩，鹹香微辣，

整隻味道調教得均勻，恰到好處。

剛才不愉快的心情已經一掃而空，美味食物真係會帶給你好多樂趣。