＊好好嘅聚腳點＊彌敦左岸

呢間屬於restaurant and bar，晚上比較多人飲酒，玩酒Game咁。而dinner嘅時間有唔少人食西餐，價錢偏貴，然而質素係高，是日相約朋友來到這間彌敦左岸進食西餐，的確係一個好好嘅聚腳點，同朋友傾下偈。

當然唔少得小食炸松露油薯條$58，原本嘅薯條的薯仔味好重，炸得香口，味道鹹鹹地。若果鍾意更加鹹嘅話，可以點上旁邊嘅海鹽又或者番茄醬去調味。食落去帶有黑松露味，即使係淡淡地，但係味道都唔錯。份量都幾多下，兩個人食到開始有少少墊肚嘅感覺，哈哈！

香煎鵝肝多士配無花果醬$＄168 Full

有bite同full的選擇，$128／$168。由於我同朋友都勁鍾意食鵝肝，一於嚟過Full，一向都覺得我鵝肝好好食，但係食得多就會開始覺得厭。呢間店加入無花果醬，酸酸甜甜嘅味道非常之夾，中和鵝肝嘅油膩感，咁食落去唔會好肥膩。鵝肝嘅中間呈林身，火喉控制得很好，而鵝肝亦煎得非常完整，正。再加上脆脆嘅多士，十分吸引。

然之後嗌咗個主菜同朋友share，燒澳洲羊架配BB菠菜及薯蓉$298，羊架叫咗七成熟，睇落紅紅哋但係切開嘅時候發覺燒得非常嫩滑，一啲都唔ｕｎ，特別係黐住骨嘅位。羊味好重，但是騷味不重，好啱啲怕羊騷味的人。以後面就有三種醬汁，一種係照燒汁，一種係聽薄荷醬，一種係青芥末醬。個人唔係太鍾意食青芥末醬，覺得佢同個樣㗎唔夾，其餘嗰兩隻都好正，旁邊亦有軟滑香濃嘅薯蓉同埋好健康嘅葉綠菠菜，食完呢個主菜非常之滿足。

綠茶拿破崙伴紅莓雪葩＄65

最尾同朋友share咗一個法式綠茶拿破崙伴紅莓雪葩，拿破崙嘅口感非常鬆脆，中間嘅綠茶甜度適適宜，唔會話食到人好濟，旁邊亦有一些士多啤梨粒粒，非常清新，為是日晚飯畫上一個完美的句號。

呢度除咗出名又酒水之外，亦有好出名嘅cocktail同埋mocktail，我同朋友分別都嗌咗mocktails，Peachy Coco$68和Nathan Garden$68。

我果杯係Peachy Coco，上面亦有兩粒焦糖嘅荔枝賣相非常之靚，仲要好味道！！

味道非常清新，而桃茶作為茶底，茶的底下亦有一啲椰果粒粒，真係清新再清新。