＊蒸氣鍋＊八幡屋涮涮鍋

八幡屋涮涮鍋之前已經同屋企人黎食過，但聽聞lee排仲有蒸氣鍋，所以就再黎試下佢😎

今日好早黎到，大約七點，所以唔駛點等位就入得我哋今次揀左個蒸氣海鮮鍋同特選美國牛肉黎試。

首先要做嘅就係咩都唔駛做，等食會有哥哥仔幫你計時⏱食得就會幫你拎走個蓋。

海鮮鍋兩個人食就有三層，第一層有d豆腐，蝦，蘿蔔。我個人覺得唔駛點醬汁都已經好好味，特別係蝦加少少蒜蓉，令蝦嘅鮮道好出。而第二層就扇貝，青口，我覺得扇貝比較出色，十分鮮甜同有咬口。😍👍

第三層就係個清雞湯底同有雞件，味道清甜唔會太濃，可以開始食我哋揀嘅牛同豬啦😎D牛薄薄哋，但唔會散，肥瘦平均。豬幾有口感，加埋麻醬黎食係一大享受👍👍👍

刺身同壽司方面，我覺得水準都keep得幾好，最欣賞佢d壽司飯唔算大舊，可以試多幾種冇咁快飽😂🙈當中三文魚同八爪魚最令我食過番尋味，非常新鮮😍

而邊爐d料都好多款式，除左去自助台攞之外仲可以寫紙叫非常多選擇👍👍👍

最後當然唔少得飯後甜品啦，有奶凍，啫哩，馬卡龍，雪糕。。。依我最欣賞就係個泡芙，有朱古力同原味，我覺得朱古力味道香濃，食到停唔到口😈

總括講，今次嘅新嚐試都算唔錯，食得幾開心，捧住個肚走，下次都應該會再食過番尋味😍😆