都唔係第一次食，不過之前食得太趕時間所以冇影相，冇寫食評。
呢排得閑少少就寫返，因為最近有同朋友再去食嘢，
估唔到中午11點幾都咁鬼多人～
雞叉燒味玉雞白湯拉麵$88嘅叉燒好夠特別，
因為佢真係好大塊，份量十足，食落口嘅感覺非常好同有咬口。
而佢嘅拉麵我係叫左軟拉麵食，佢同適中同硬度拉麵唔同，
因為佢真係好淋，非常易咬，而我非常中意呢一種質感嘅拉面。
另外佢只蛋我亦都好喜歡，味玉係內裡嘅蛋黃半熟程度。
所以整體來說呢碗拉麵真係好好食。
灸燒海苔豚肉味玉拉麵＄98
個豚肉肥瘦非常均勻，味道唔錯，真係整得幾入味keep到水準。
朋友分咗一個海苔俾我+豚肉。
羽根燒餃子$12（中午加配價）
又幾好味，裏面有啲西洋菜同埋韭菜之類嘅濃烈味菜類，
仲有一啲豬肉碎等等，外皮夠晒香脆好有口感！
沒有留言:
張貼留言