我哋都叫咗幾多嘢食，頭款係鮮蝦沙律，有蕃茄、鮮蝦、羅馬菜、青檸、紅洋蔥，用泰式雞醬做汁，味道出奇地清新，好開胃呀，好耐無食過真係咁fresh既沙律！
主角就係招牌紐約八安士牛堡，非常足料，有兩層漢堡牛扒，仲有兩種芝士，加埋蕃茄、羅馬菜、紅菜頭，口感好豐富！一路食，D肉汁一路流出嚟，好邪惡！入邊有齊burger基本料，塊包好軟熟又茶埋牛油，通常食burger都唔想食埋塊包，怕會好硬，但係呢塊包真係正！
值得一提嘅係芒果軟殼蟹墨西哥包，甜甜地嘅芒果加炸左既軟殼蟹，又幾夾，加左芒果好refreshing!
我哋仲叫咗個櫻花火腿卡邦尼意粉，個意粉一嚟到，先知道原來有隻溫泉蛋，即刻加分。卡邦尼汁好入味，意粉咬落去好煙銀，幾有水準，食到一半吉穿埋隻溫泉蛋，撈埋蛋汁食，別有一番滋味，可惜火腿有啲鹹。
嘢飲方面，我就叫左杯玫瑰拿鐵，唔錯，朋友叫咗杯藍莓果汁，賣相好睇得，又大杯，冰凍嘅酸酸甜甜中帶點薄荷味，食完啲重口味野飲啖，爽，好值得推介既餐廳，黎元朗都會再黎食呀，仲要10點都未關門架，岩曬係元朗行完街再黎食！😋
沒有留言:
張貼留言