＊是否值得排大隊＊過橋麵檔

有朋友係元朗收工，有諗住食b仔，但又覺得好似食左好多次，諗住轉第二間食晚餐。友人就話附近有間叫過橋麵檔幾出名，食薑蔥霸皇雞菜飯既。
結果七點幾去到，幾多人排隊，要拎籌，排左大約40mins。但係睇舖面，好似可以用apps拎定位先，不過今次真係唔知⋯
點咗薑蔥霸皇雞菜飯（$57），原價$53，假日加$4，冷熱飲加$6，即人均$63。

面頭好多薑蔥，岩鍾意拎黎送飯食既朋友，而啲雞肉夠嫩滑，但部分位置嫌偏咸，但配埋個菜飯，岩岩好既！

仲有點樣巴辣雞菜飯，同價，方便share，試哂兩款。菜單就有三隻辣椒仔，原本都驚幾辣，但食落，雞肉係嫩滑既，肉味唔會比辣味蓋過，同埋個辣度似譚仔七八小辣啦，所以無咩野。

整體黎講，雞肉較嫩滑，而菜飯又比一般既好食好多，所以咪轉白飯！而同個朋友都覺得薑蔥霸皇雞菜飯好過巴辣雞既。