太耐冇食過放題，所以就心意意同男朋友去旺角兆萬中心食放題，
兆萬中心好多人叫佢做放題大廈，因為有好多放題餐廳，
今次我就選擇左一間有日本，泰國嘢食嘅大本瀛！
一入到去侍應就安排左坐卡位，一般嘅放題張枱都好細好窄放唔到幾多嘢食，但呢間好闊落！
唔洗同隔離逼住逼住咁。放題紙有11張，
同日本放題店一樣都係有刺身，壽司，手卷，小吃，爐端燒，天婦羅。
但佢呢呀都泰國嘢食！嘢飲就全部自助有啤酒，有忌廉溝鮮奶，楊協成......選擇多！
每次食放題都一定會叫一大盤刺身先，
今次我叫咗三文魚，赤貝，馬刀貝，希靈魚，八爪魚，赤蝦同埋帆立貝，
三文魚切得好厚身，肥瘦適中，無雪味。
帆立貝就令我最有驚喜，唔係要坊間嗰啲小貝柱。
其他刺身就不過不失啦但係性價比算高！
之後就叫左幾件壽司試吓，花之戀一口細細啖，
個沙律醬配得幾好味，連比較貴價小小嘅劍魚腩都有，
蝦同象拔蚌都新鮮，呢度啲壽司最好就係啲飯超細舊，可以試多d！
手卷叫咗一口海膽手卷，大家睇下，好精緻呀，
得半罐野飲咁高，重點海膽唔臭，有甜味！
係燒物方面我叫咗件牛肋骨，本身好驚會好乾，
結果竟然好juicy，大推牛肋骨呀！
認為一個令我好有驚喜嘅就係鐵板牛舌，
用上厚切刀工再同洋蔥炒，如果你鐘意牛舌，一定要試！
因為依間放題有得食泰式嘢，所以我就叫咗個生菜包試下，
啲肉碎用咗啲香料去炒同有少少辣椒，好香，加上生菜新鮮，唔錯唔錯！
臨食完嘅時候店員會比一張甜品紙我哋，有7種選擇，
我就叫咗白皮明月冰卷同朱古力泡芙，幾好食
冰卷的紅豆奶皇餡再用一個冰皮月餅皮包住佢，唔會得個死甜。
朱古力泡芙就係一般坊間嘅迷你小泡芙喺上面淋左少少朱古力，
佢嗰個泡芙皮仲可以有少少鬆脆唔會淋晒，
其實喺餐廳門口仲有一個雪糕櫃擺咗三款唔同口味嘅雀巢雪糕同埋兩種口味既雪米糍，
但食到好飽喇，所以下次再去試埋其他野！
沒有留言:
張貼留言