今日同個女仔朋友黎開西灣河附近做野 行到去街市個邊已經有啲餓 見到有間裝修幾靚既餐廳就入左去 一去到老細就出左門面落單 推薦幾個菜式 之後我地叫左沁沁飯同沁沁麵同醉雞卷加羅漢果茶
沁沁飯好足料 有臘腸臘鴨潤腸滑雞 特別要講下個臘鴨真係整得好好食 唔會好乾 食落好香臘味味
沁沁麵就叫左人參湯 飲落好清甜 估唔到入面真係有人參 個溏心蛋好入味同出面日本餐廳有得fight
不得不提個醉雞卷 好驚喜 上檯已經有酒香味 賣相同相一模一樣 個雞好入味而且好滑 最緊要係冇骨架 好細心 啱晒啲唔中意食骨既人
最後叫左個自製羅漢果茶(心心眼)叫左室溫 都係微暖 飲得出羅漢果天然既甜味 易入口 大大杯$5好抵好好飲
落單之後老細好細心咁俾左2個碗仔 方便我地share食 去個陣唔係晏就時間 但都好幾多街坊客 牆壁貼住雜誌介紹既相 支持有心機既小店~
沒有留言:
張貼留言