＊​ 平民小食為主＊​ 多味吉

​

今次試嘅依家餐廳餐，鋪頭嘅位置係區應該幾出名，

因為每次易手都係會做返平民小食為主嘅食物，

知道佢再一次易手，就轉一轉加左串燒同埋好多鋪頭都有做嘅炸醬麵，經過忍唔住就試一次。

鋪片同上幾手冇乜嘢唔同，但一入到鋪頭就比鮮艷嘅日式牆身繪畫吸引到，

整體來講的確上非常之吸引眼球，成間鋪頭個look精神醒目左好多。

睇睇菜單，有做好平民式嘅豬扒雞扒車仔麵果類，

兩點至五點嘅時間就有下午茶，

老闆娘非常之推介佢哋嘅炸醬麵，老闆娘仲同我地講因為間鋪頭主打係平民價錢嘅串燒，

所以仲好貼心咁喺餐牌上邊留低左即叫即燒嘅電話，

想我哋打俾佢落左單先之後再慢慢落嚟攞就唔使喺鋪頭度等咁耐，

串燒方面佢哋就分海鮮蔬菜肉類同埋小食，

最吸引嘅就係見到有燒生蠔啦有虎蝦有鰻魚，

因為可以選擇嘅都好多所以雞髀羊肉串炸大腸金菇娃娃菜翠玉瓜韭菜一定有唔會少！

最後我地點左蒜蓉扇貝，鰻魚，虎蝦，韭菜，翠玉瓜，娃娃菜，炸燒賣，多春魚雞腎同牛粒，

最後仲加個炸醬麵。

見到老闆娘即見識燒，慢慢就聞到好大陣香味，

都唔使10分鐘到好多野都上齊晒，佢哋個燒鰻魚串燒得好香，

就算係用燒嘅形式處理都可以做到外脆內軟多汁，

真係真心推介一定要試吓燒鰻魚串，

至於佢個韭菜就唔同出面嘅串燒做法，老闆娘話佢唔需要擺韭菜落熱水煮，

直接細火慢慢將韭菜燒熟，食落去香口，唔會因為用水煮咗而產生嘅菜楂，

至於多春魚就炸到非常之香口，落咗小小炸蒜食落口非常之脆多春魚肉身又唔乾，

個燒帶子食落去唔會太鹹唔會成口味精，

老闆娘話新鮮嘅帶子根本就唔需要落好多嘅調味直接燒香佢擺落口食鮮味先係佢最主要嘅賣點！

翠玉瓜就更加唔使講都係用水煮咗直接生燒，翠玉瓜表面燒到脆口裏便面軟林林又多汁，

老闆娘話我咁樣燒法就係怕熟客等得耐打個電話叫定先，就唔使下下等好耐先有得食。

佢個雞腎香口好多汁，冇落太多調味唔太鹹，好爽口好彈牙啦，

牛粒食落去好多汁調味啱啱好，食得出係預先調好味，

唔係一路燒先瘋狂加味粉，虎蝦好大隻肉質好鮮味爽彈。

因為我本人好鍾意食娃娃菜，就叫咗娃娃菜分別係用串燒同埋蒜蓉錫紙燒兩種食法，

娃娃菜生燒好香口又多汁，蒜蓉錫紙燒令到娃娃菜非常之嫩滑，

娃娃菜吸收晒蒜蓉香味，鍾意食娃娃菜嘅人我極力推介一定要試！

最後要果講老闆娘親自整嘅炸醬麵，佢有講過依個炸醬麵係用佢家鄉傳統嘅方法做，

一望落去就見到好多青瓜絲同埋炒蛋，老闆娘仲話落咗生蒜片，

叫我地好似平時食撈喜嗰種食法，我哋就成嗰邊撈勻佢，

試一啖發覺嗰麵因為有青瓜絲同埋炒蛋，新鮮嘅青瓜絲同埋嫩滑嘅炒蛋，

個口感已經好正仲有老闆娘自家特製嘅炸醬香濃但唔會好咸，

如果你食嗰一啖係有生蒜片，仲會一路食一路爆好濃郁嘅蒜味，

呢個炸醬麵食得出老闆娘係真係有用心去製造。

老闆娘仲私底下同我地推介一路食一路飲Hoegaarden Radner, 

唔係講笑真係要試吓個種生果味重啲串燒真係好夾！