＊京菜同上海菜＊​ 京滬村

​

話說我其實幾中意京菜同上海菜，哩間野啱曬我！

原本都係本住試下嘅心態，估佢唔到又幾岀色，茶色係色香味俱全！

我同朋友兩個人，叫咗三樣野食，分別係浦東花雕醉雞，

水煮牛肉同埋京滬四小籠。

我地一坐底，啲服務員真係好好服侍，又送上開胃前菜，我地食唔停口！

首先講講醉雞！雞件係超滑，而且吸收曬啲花雕酒，好入味，每一啖都滲漏啲酒味岀黎！

好正！

至於水煮牛肉，係超級大煲！

原本以為我地兩個一定食唔曬，點知係咁食唔停口，

清咗一大煲哈哈😂

哩煲野係勁香，牛肉勁惹味，越咬越辣，越辣越爽😋

芽菜都好爽口，夾埋一齊食會無咁濟👏🏼

之後要講下我嘅最愛，四小籠！哩個小籠包真係好正！

推薦大家一定要叫黎試下！

佢有四個口味，分別係南翔小籠包，蟲草，黑松露同埋蟹粉，

四個口味各有特色，而且皮薄多汁，賣相亦好精緻！

最得意係佢有個架浪住啲小籠包，下面有火繼續加熱啲湯，好正！

啲湯係好好好鮮甜，我地係飲曬啲湯㗎！精華所在！

間野環境都幾有特色，充滿中國特色，幾有feel㗎！

哩餐食得幾滿意，而且幾有驚喜！下次要試埋佢嘅北京烤鴨！好似幾吸引😛