＊CHILL人生活＊​ Das Bier

​

翻完工咁攰，想同朋友chill下食下野，

推薦大家可以去哩間位於大埔嘅西班牙餐廳！

無論係環境，野食定啤酒都唔錯！

我同朋友揸車黎到哩間餐廳，好有情調，

有埋吧枱俾客人可以係度吹水relax下，wow正！

我地兩個人試咗佢嘅豬手，份量好多，足夠兩至三人食用，好入味！

皮係燒到膽扑扑，一咬落好似硬版嘅薯片，用黎餸啤酒一流！

講起啤酒，我叫咗杯櫻花味嘅手工啤，好香濃嘅啤酒味，帶有櫻花嘅清香，好易入口！

另外我仲試咗佢嘅parma ham toast and cheese toast，

好香脆，尤其愛佢配上parma ham，好夾！一啖多士一啖啤酒係人生一大享受！

見到佢嘅甜品buy one get one free，梗係唔汁輸！

我地要咗一個朱古力橙味，一個希臘乳酪紅莓蛋糕。朱古力橙個味好濃郁，係會漿住個口個種！

另外嘅希臘乳酪配紅莓係好fresh好清新！兩隻蛋糕加埋只要38蚊！好扺食！

哩間野真係唔錯，睇黎以後放工有好去處喇~

＊京菜同上海菜＊​ 京滬村

​

話說我其實幾中意京菜同上海菜，哩間野啱曬我！

原本都係本住試下嘅心態，估佢唔到又幾岀色，茶色係色香味俱全！

我同朋友兩個人，叫咗三樣野食，分別係浦東花雕醉雞，

水煮牛肉同埋京滬四小籠。

我地一坐底，啲服務員真係好好服侍，又送上開胃前菜，我地食唔停口！

首先講講醉雞！雞件係超滑，而且吸收曬啲花雕酒，好入味，每一啖都滲漏啲酒味岀黎！

好正！

至於水煮牛肉，係超級大煲！

原本以為我地兩個一定食唔曬，點知係咁食唔停口，

清咗一大煲哈哈😂

哩煲野係勁香，牛肉勁惹味，越咬越辣，越辣越爽😋

芽菜都好爽口，夾埋一齊食會無咁濟👏🏼

之後要講下我嘅最愛，四小籠！哩個小籠包真係好正！

推薦大家一定要叫黎試下！

佢有四個口味，分別係南翔小籠包，蟲草，黑松露同埋蟹粉，

四個口味各有特色，而且皮薄多汁，賣相亦好精緻！

最得意係佢有個架浪住啲小籠包，下面有火繼續加熱啲湯，好正！

啲湯係好好好鮮甜，我地係飲曬啲湯㗎！精華所在！

間野環境都幾有特色，充滿中國特色，幾有feel㗎！

哩餐食得幾滿意，而且幾有驚喜！下次要試埋佢嘅北京烤鴨！好似幾吸引😛

＊​好抵食放題＊瀛喜

​

元朗灜喜真係好抵食，因為住元朗嘅關係，

一放假就想同朋友去食下，地點真係好就腳，就係西鐵站附近。

最中意灜喜啲嘢食種類多，又特別，尤其係特式司呢一項，我會推介花之戀！

平時嘅花之戀大大件要分兩啖，一咬就散，

佢哩度嘅花之戀比較細件，啱曬女仔食，可以一啖食曬，正呀！

然後仲有炸榴連波波，作為榴連發燒友嘅我，只要見到榴連製品就會好瘋狂，

當然要點嚟試下啦，咬落去果然冇令人失望，外脆內軟，

榴連料係即刻湧岀黎，仲要好甜好多，一試難忘！

當然唔少得刺身啦，三文魚、帆立貝、希靈魚都係我必點的，

而且呢度嘅刺身都好新鮮，入口鮮甜，食得好放心。尤其係三文魚呀！

起級厚身，咬落去啖啖肉好鮮！肉感充斥成個口真係好滿足！

食到最後仲嗌咗個牛油焗蕃薯仔，一份有成八粒，

都幾多份量，好香口，帶甜，細細粒易入口，正！

佢哩度仲有甜品㗎！不過太飽無試到！留翻下次食下佢啲雪糕先

仲有環境同服務都不錯，待應都好有禮貌呀！屯元天嘅朋友，諗住食放題可以試試哩間喇！

＊車仔麵達人＊砵砵車仔麵

車仔麵係香港其中一樣特色嘅食物，港九新界都好多人開車仔麵檔，

基於成本問題大多數食材都係倚賴中央廚房形式攞貨，

間間都一樣唔係太行就係來來去去果幾樣.

機緣巧合下身喺體育館附近搵到呢一間車仔麵檔，

成個環境唔逼夾，攞起餐牌睇一睇有幾樣覺野覺得幾得意，

「梅子豬手」「鮑汁蘿蔔」「辣汁豬肺」睇落可以一戰，

不過最吸引眼球莫過於佢餐牌上面寫住有「足料花膠碗仔翅」

我唔會執輸叫咗一過嚟試吓.

全部小食又靚又好食，好吸引！

花膠碗仔翅好快就到左，好奇攞隻匙羹打撈一下睇吓有咩料，

一不起上嚟嗰條花膠又長又厚身，仲要勁多瘦肉同素翅，

嗰種足料嘅程度係由你食晒成碗碗仔翅每一啖都係好足料，

仲要好大碗，唔係講笑呢碗野我真係叫多咗一碗自己食，唔同FRD分.

之後就叫車仔麵，我碗車仔麵就叫左梅子豬手，魚皮餃，鮑汁蘿蔔，

我FRD個碗就叫做咖喱魷魚，冬菇同油菜，

首先要講咩講佢個車仔麵份量真係好多你絕對唔需要擔心食唔飽，

無論麵嘅份量同餸嘅份量都好多，梅子豬手有三隻大大隻咁多，

入口好重梅子味一啲都唔溜，蘿蔔真係好入味大大嚿又多汁，

咖喱魷魚好入味好香咖喱味，冬菇大大，我同老婆食完都覺得好飽好滿足！

＊中式打邊爐和日式刺身壽司兩樣一起食的放題＊八鍋堂

呢間商場最令我吸引的係好多放題餐廳，是日當然相約好友試呢間主打中日放題的八鍋堂😋，中式打邊爐和日式刺身壽司兩樣一起食的放題，只望餐廳傳單已經覺得好吸引！

店員安頓位置時已有個夠火喉夠力的鍋爐在此，只需立刻填寫湯底和海鮮肉類火鍋配料，不足10分鐘已上菜。

而其他菌類、蔬菜類、麵食、內臟食物、丸類等等多種火鍋配料供食客無限量無限次數供應。

沙嗲湯：貪佢比其他湯式有味而且平時都鐘意食，湯底果然沒有令我地失望，濃濃香香的沙嗲，急不及待將火鍋配料煮熟享受美食。

肥牛：好多塊，每塊脂肪分佈得好平均，貌相十分吸引，食落和我地叫的湯底好夾，忍唔住一共叫咗3-4次。

魷魚：無限量係自助吧供應，爽口彈牙，切的厚度和大小都恰到好處，大愛！

墨魚滑：外形似竹筒個概念裝住，咁樣可以超方便整出來一粒一粒墨魚丸再放落鍋裡煮熟，食落好有嚼口兼彈牙，大家一定要叫墨魚滑試試。

而店員服務不錯❤，沒有寫枱號令食物不能按時送遞上枱都會前來提醒，也會提醒我地要留意寫清楚資料。食咗2-3輪火鍋配料和刺身，好實惠便宜，餐廳價錢性價比高。🍴

而飯後還有甜品吧,內有不少甜品可供撰擇,如

泡芙,蛋糕等等,同時雪櫃都有雪糕和雪條等等可供選擇,喜歡食餐廳供應的朱古力雪條,仲要係圓柱形，呢個款充滿童年回憶，特別好味！

整體十分不錯,坐位分佈很好不會有好逼的感覺,令這餐吃得十分舒適,十分推薦大家一試!

＊炸珍珠奶茶＊​ 博派麵館

​

每次經過呢間餐廳都俾門口嘅大黃蜂吸引住好想入去食，今次終於有機會去食。

一入到去，店內有好多transformer嘅元素，

連枱面嘅辣椒油都用柯柏文裝住，認真有心思，

睇嚟店長係忠實粉絲先做到咁講究。

炸珍珠奶茶($32) 好有特色，而且好好味，估唔到珍珠奶茶可以炸出嚟。

食落表面好脆口，入要帶點煙韌，就好似平時飲珍珠奶茶咬珍珠嘅感覺，

好香奶茶味再配埋煉奶，味道好夾，好出色，真係必嗌。

子然雞中翼($32) 煎得表皮好脆口，入面夠嫩滑，而且孜然味好香濃。

豬頸肉油渣絲湯($68) 料好足，有冬菇、肉碎、蔥、菜心、芽菜、蝦米，

豬頸肉燒得好香，又厚又大塊，個湯好香豬油味，味道好香，

出面絕對食唔到一樣嘅風味，值得一試。

燒安格斯牛肉牛舌湯麵($68)，

餐牌寫住湯底係每天煲製8小時，唔怪得咁香濃，

牛肉牛舌係另上嘅，燒得好香再配合蔥香，

同埋個湯有冬菇、爆香咗嘅蒜、蔥同肉碎，味道好豐富。

博派麵館：荃灣德海街18號富利達中心地下D舖