＊ 自取熟食甜品就連特色飲品都有＊滿屋日式放題

​

荃灣大鴻輝中心一直有很多不同類型的餐廳，常常來吃的當然是火鍋，

但不少得有放題類型，於是我們四位訂了枱決定放工之後來一個晚餐小聚。

呢間裏面嘅設計都幾新穎，大部份食品可以在點菜紙裡面見到，

亦有好多放題餐廳沒有做的特色飲品系列，顏色已經非常奪目，

我們點了藍蝶花，來到的時候是紫色，甜甜地，加了蘆薈更添口感。

出面有嘅熟悉種類非常多，當中包括玉子卷，

蛋本身質感好滑而且裏面有紫菜又鹹鹹地，表面的沙律和甜醬令味道更加提升。

帆立貝都幾彈牙，旁邊有蔥和芫茜粉絲，調味做得唔錯，好入味。而且冇過火，所以唔會太鞋。

甜蝦和赤蝦啲蝦頭都好淺色，即係代表好新鮮，味道較甜又夠爽口。

不過三文魚就真係普普通通，冇咩特別。

蟹籽軍艦冇咩特別，勝在紫菜外皮夠脆，不過整體都好爽口，舊飯唔算大。

蒜蓉泰式生蝦非常新鮮爽口，蒜蓉調味做得好香，唔需要再點任何醬汁。

海膽手卷細細件，食多咗都唔怕飽，應該係用咗韓國海膽，質素都可以，起碼有得任食。

壽司都算係最正，鰻魚壽司同埋左口魚壽司，鰻魚無骨而且調味唔錯，左口魚入口即溶！

炒粟米嘅份量多咗啲，不過口味都比較清新，似一個粟米即開即整，甜味都可以接受。

炸物叫咗兩次都有少少撈亂，分別係榴槤同埋香芋，個樣子太似所以成日搞錯。

榴槤裏面有好多餡料不過唔可以食得多，好容易就飽晒。

反而香芋就細粒啲，好香濃，份量可以食多幾個。

出面飲品櫃都有好多唔同嘅飲品選擇，包括忌廉溝鮮奶同埋果汁先生，

加埋過百款種類食物，總有一款啱心水。