*台式米苔目*軟橋米苔目餐廳

​

係西九龍中心行完街之後當然去附近食飯啦，西九龍外面啲餐廳都食到厭，特別係Food Court，鴨寮街有一間門面比較細嘅台灣特色食品店，經過嘅時候細心少少就會搵到。

入到店內，老細好熱情咁走黎介紹店內特色野。原來米苔目係台式麵黎，有啲似銀針粉。

花鵰醉香豬雙脆$18

包括豬耳和豬脷，我同朋友都勁鍾意。因為佢唔辣，不過用咗花雕酒以及配上芝麻，咸香十足，豬耳爽脆之餘豬脷肉質豐富夠爽口。

沙爹湯底牛肉豬腩肉米苔目$38。麵條純白色，大約一根手指長，意粉既粗幼。口感方面，幾QQ，彈牙，同平時食開既麵好唔同。另外，湯底沙爹味唔會搶過米苔目既米香，而辣度適中，初時唔會覺得辣，但越食越辣，但係接受到既辣黎，唔係既食得辣但又想食辣野既話，可以試下。牛肉就夠晒鬆，係平時食嘅滑牛，豬腩肉唔係太肥，適中。

豬骨湯雞肉墨丸$35

入面一樣係同一款嘅米苔目，墨魚丸爽口彈牙，好有口感，唔會黐住晒啲牙。雞肉保留原有質感，好過食譚仔，湯底比較清淡，食唔得辣嘅人揀呢個清清地係唔錯選擇。

同埋，由於麵唔會好長，個人鍾意用匙羹食，一黎方便好多，二黎順手飲埋啲湯底♪(´ε｀ )

日本櫻花可樂及日本綠茶可樂跟餐可以減兩蚊，即＄17一支，好多地方都冇得飲估唔到竟然係台灣地道食品店有售！正xd

食咗咁多野消費左＄125 ,每人＄60已經小食，正餐和飲品都齊全。