​ ＊燒海鮮係我至愛＊BBQ7080

香港都有好多間唔同嘅韓國菜餐廳，放題燒肉都唔錯。

這間餐廳啲凳都好特別，可以放個袋入去。

中間有好長嘅抽油煙機，空間感都唔錯。

瘋狂地燒海鮮! 

帆立貝整完之後細細粒，不過都夠哂新鮮，口感彈牙。

鮮蝦更加新鮮，有肉地又爽口，燒完之後特別香。

生蠔燒完好細，幸好裏面沒有沙，整體感覺還好。

鰻魚一早已經醃制好，而且已經熟咗。

所以只需要整返熱就可以食了，同壽司鰻魚差唔多。

 

墨魚最多就係吸管，又爽口又彈牙仲有好香嘅燒烤味。

另外加左個帶子，每一舊都好大件好肥美！比起本身嘅帆立貝美味得多，需要＄38。

 

食個韓國石鍋飯，材料豐富，還有飯焦硬硬地，加埋辣醬好美味的。

 

估唔到最後竟然仲有甜品，係蜜桃同雪梨，夠貼心，真係要清一清熱。

＊人懶鐘意嘆＊CJ Cafe

人懶其實做咩都冇咩動力，自自然然行步路都會話煩。但係呢一度對我呢一個懶人係一個福地。
偶爾相約中同於圖書館殺時間，殺殺下都有肚子餓嘅一日，呢一度近近地，喺泳池同圖書館附近，仲有大大個泳池景觀望，個人表示非常喜歡。
先講下飲品，因為我幾中意呢度嘅飲品，叫得cafe飲品當然唔差啦。
蘆薈水晶綠茶特飲$6（跟餐）

呢一杯特飲望上去顏色宜人，儘管係綠茶，飲得耐亦冇澀嘅感覺。另外甜度都適中，所以幾得我歡心。




午餐D--鮮什果大蝦沙律 $58

呢一個係我嘅餐，作為減肥嘅糧食，呢一個都算適合我嘅食量，撐得飽我嘅肚亦唔會令我食咁多肉。我不像別人，唔會口叫減肥，而係實行叫沙律食，減少肉量嘅吸收，所以我都幾推介呢個比啲減磅人士，又好食又實行到目標。
卡邦尼意粉 $68

呢一個係朋友叫嘅，佢就話幾好食。同一般卡邦尼意粉其實冇咩大嘅分別，但起碼食落去冇膩而嘔嘅感覺。
紐約芝士蛋糕$20

朱古力紅桑子芝士蛋糕$20

呢一度嘅芝士蛋糕都好食，但相比起我中意翻原味嘅紐約芝士蛋糕，因為唔會太甜太膩，同原味相比起，朱古力我會覺得甜左啲，雖然有紅桑子作調配，相對上紐約芝士蛋糕，都係紐約芝士蛋糕好食啲。
其實個人覺得呢一度幾就腳，所以不論午餐定係晚餐，呢一度都會係一個唔錯嘅選擇。

＊平到Crazy$20有湯粉+凍飲＊新金豐餐廳

晏晝食唔夠飽，下晝四五點諗住食個tea，望到呢間泰國菜餐廳有15蚊下午菜，於是就行入去睇下。之前食過呢度既泰式青咖喱雞飯，味道都唔錯既。
今次就點左佢既海南雞米（$15），凍飲（+$5），點左凍檸茶
食之前聞左聞，有陣味，唔識形容。碗入面米粉份量十分，唔係一兩啖食哂個啲，仲要啲雞都有五六舊，無呃秤，唯一可惜係食落有少少似鹽焗雞。
總體黎講，廿蚊食到碗足料既雞米，唔錯既。

合共$20。以今時今日既物價，廿蚊食到餐下午茶真係好難得。

＊中東食品知多少＊Gull's Kitchen

​

好少去食中東菜，咁岩車站附近有野食，而且價錢都幾合適。

大部份嘢食都係$60以內。

牛油烤餅$20

整得比較扁平而且油膩，下面嗰塊有啲似食緊麵包，同出面嗰啲好唔同，不過覺得味道都算唔錯。

卡邦尼意粉 奶油醬$55

奶油意粉上面有啲火腿，有好濃郁嘅奶油味，所以食起嚟特別飽肚，好Creamy。

香濃咖哩羊配飯$60

咖喱唔係好辣，入面嘅樣都整得幾稔，都ok入味。另外個白飯夠特別，係用咗印度香米，長條型而且比較扁身。

芒果奶昔$25

叫咗兩杯但係2杯嘅顏色都唔一樣，發現每一間嘅味道都唔同，小小甜但幾香芒果味。